މިދިޔަ ބުރާސްފަތި ދުވަހު ފުލުހުން ހިންގި ޚާއްސަ އޮޕަރޭޝަނެއްގައި ގިނަ އަދަދެއްގެ މަސްތުވާތަކެތި އަތުލައިގެންފައިވާއިރު، އެމީހުންގެ ބަންދުގެ މުއްދަތު ޖަހައިފިއެވެ.

މިކަމާގުޅޭގޮތުން ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވީ، މި އޮޕަރޭޝަން ހިންގާފައިވަނީ މިހިނގާ ޑިސެމްބަރު މަހުގެ 22 ވަނަ ދުވަހު ކަމަށެވެ. އެގޮތުން މިއީ ކައުންޓަރ-ނާކޮޓިކްސް އޮޕަރޭޝަނެއްކަން ސީޕީ ފާހަގަކުރެއްވިއެވެ.

ސީޕީ ވިދާޅުވީ، މި އޮޕަރޭޝަންގައި މާލެއާއި ހުޅުމާލޭގެ 10 ތަނެއް ބަލައި ފާސްކޮށް، 17 މީހަކު ހައްޔަރުކޮށްފައިވާކަމަށެވެ.

މީގެ އިތުރުން، 6.8 ކިލޯގެ މަސްތުވާތަކެތި ހޯދާފައިވާއިރު، މިލިއަނަކާ ގާތްކުރާ އަދަކަށް ފައިސާ ވަނީ ހޯދާފައެވެ. އެގޮތުން ސީޕީ ވިދާޅުވާގޮތުގައި 933،430 (ނުވަލައްކަ ތެއްތިރީސްހާސް، ހަތަރުސަތޭކަ ތިރީސް) ރުފިޔާ ހޯދާފައިވެއެވެ.

މިއީ ކުށްކުރާ ގްރޫޕަކުން މަސްތުވާތަކެތި ޓްރެފިކްކޮށް އެތަކެތި ޕެޑްލް ކުރުމަށް ކުރި މަސައްކަތް ހުއްޓުވާލުމަށް ހިންގުނު އޮޕަރޭޝަނެއްކަން ސީޕީ ފާހަގަކުރެއްވިއެވެ.

ކްރިމިނަލް ކޯޓުން ވަނީ އޭގެ ތެރެއިން ބައެއް މީހުންގެ ބަންދަށް 30 ދުވަސް ޖަހާފައެވެ. އޭގެ ތެރޭގައި ގިނައީ 20 އަހަރާއި 20 އަހަރާ ދެމެދުގެ ޒުވާނުންނެވެ.

އޭގެ އިތުރުން ބައެއް މީހުންގެ ބަންދަށް 15 ދުވަސްވެސް ޖަހާފައިވާއިރު، އެމީހުންގެ މައްޗަށް ކޮށްފައިވާ ތުހުމަތަކީ ދިވެހިރާއްޖެއަށް މަސްތުވާތަކެތި އެތެރެކޮށް، މަސްތުވާތަކެތި ބޭނުންކޮށް، ގެންގުޅެ އަދި ވިޔަފާރި ކުރުމުގެ ތުހުމަތެވެ.