އަހަރު ނިމޭތީ ބުރާސްފަތި ދުވަހުން ފެށިގެން ބީއެމްއެލް ބަންދުވާނެ
މިއީ ކޮންމެ އަހަރަކުވެސް ކުރަމުން އަންނަ ކަމެއް
ބޭންކް އޮފް މޯލްޑިވްސް (ބީއެމްއެލް)
އަހަރު ނިމުމާ ދިމާކޮށް އަންނަ ބުރާސްފަތި ދުވަހުން ފެށިގެން ބޭންކް އޮފް މޯލްޑިވްސް (ބީއެމްއެލް) ބަންދުވާނޭކަމަށް އެ ބޭންކުން ބުނެފިއެވެ.
ބީއެމްއެލްއިން އާދީއްތަ ދުވަހު ނެރުނު ބަޔާނެއްގައި ބުނީ، މި މަހުގެ 29ވާ ބުރާސްފަތި ދުވަހުން ފެށިގެން އަންނަ ޖެނުއަރީ މަހުގެ އެއް ވަނަ ދުވަހުގެ ނިޔަލަށް ބޭންކް ބަންދުވާނެ ކަމަށެވެ. އެހެންކަމުން ބޭންކު ދެން ހުޅުވާނީ 2 ޖެނުއަރީ 2023 ގައެވެ.
ބީއެމްއެލްއިން ބުނީ ބުރާސްފަތި ދުވަހުން ފެށިގެން ބީއެމްއެލް ބަންދުވިނަމަވެސް އިންޓަނެޓް ބޭންކިން އާއި އޭޓީއެމް މެދުވެރިކޮށް ދޭ ޚިދުމަތްތައް މެދުކެނޑުމެއްނެތި ލިބެމުންދާނެ ކަމަށެވެ. އަދި ބީއެމްއެލް ކާޑާއި އިންޓަނެޓް ބޭންކިން ޚިދުމަތުގައި މައްސަލައެއް ދިމާވެއްޖެ ނަމަ އެކަން ކަސްޓަމަރ ސަޕޯޓް ނަމްބަރު 3330200 އަށް ގުޅައިގެން ކުރިއަށްގެންދިއުމަށް ބީއެމްއެލުން އެދެއެވެ.
ކޮންމެ އަހަރެއްގެވެސް އަހަރު ނިމޭ ދުވަސްކޮޅާ ދިމާކޮށް ބޭންކުތަކުގެ އަހަރީ ހިސާބުތައް ނިންމުމަށް ބޭންކުތައް ބަންދުކުރެއެވެ.
