ވޯލްޑް ކަޕްގެ ރަން ބޫޓު އެމްބާޕޭ އަށް، މޮޅު ކީޕަރަކަށް މާޓިނޭޒް

ފީފާ ވޯލްޑް ކަޕްގެ އެންމެ ގިނަ ލަނޑު ޖެހި ކުޅުންތެރިޔާ އަށް ދޭ ރަން ބޫޓު ފްރާންސްގެ ކީލިއަން އެމްބާޕޭ ހޯދައިފިއެވެ.

އެމްބާޕޭ ރަން ބޫޓު ހޯދީ ފައިނަލް މެޗުގައި އޭނާ ހެދި ހެޓްރިކާއެކު އެވެ. މުބާރާތުގައި އެމްބާޕޭ ވަނީ ޖުމުލަ އަށް ލަނޑު ޖަހާފައެވެ. އޭނާއާ އެންމެ ގާތުން ވާދަކުރީ ހަތް ލަނޑު ޖަހައިގެން މެސީއެވެ. ފައިނަލްގައި ހެދި ހެޓްރިކާއެކު އެމްބާޕޭ ވެގެން ގޮސްފައިވަނީ 1966 ވަނަ އަހަރުގެ ފަހުން ވޯލްޑް ކަޕްގެ ފައިނަލެއްގައި ހެޓްރިކް ހެދި ފުރަތަމަ ކުޅުންތެރިޔާ އަށެވެ. މީގެ އިތުރުން އޭނާ އަކީ ވޯލްޑް ކަޕްގައި ދިހަ ލަނޑު ޖެހި އެންމެ ޒުވާން ކުޅުންތެރިޔާއެވެ.

މުބާރާތުގެ އެންމެ މޮޅު ގޯލް ކީޕަރަަކަށް ހޮވުނީ އާޖެންޓީނާގެ ކީޕަރު އެމިލިއާނޯ މާޓިނޭޒް އެވެ. އޭޖެންޓީނާ އިން މުބާރާތް ކާމިޔާބު ކުރުމުގައި މާޓިނޭޒް ވަނީ އިސް ދައުރެއް އަދާކޮށްފައެވެ. އޭނާ ވަނީ ކުއާޓާ ފައިނަލްގެ ޕެނަލްޓީ ޝޫޓް އައުޓްގައި މޮޅު ސޭވްތަކެއް ކޮށްފައެވެ. މީގެ އިތުރުން ފައިނަލް މެޗުގައި މޮޅު ސޭވްތަކެއް ކުރި އިރު، ޕެނަލްޓީ ޝޫޓް އައުޓުގައި ވަނީ ފްރާންސްގެ ދެ ޕެނަލްޓީ މަތަކޮށްފައެވެ.

މިއަހަރުގެ މުބާރާތުގެ އެންމެ ޒުވާން ކުޅުންތެރިޔަަކަށް ހޮވުނީ އާޖެންޓީނާގެ އެންޒޯ ފެނާންޑޭޒް އެވެ. އޭނާ ވަނީ މިއަހަރުގެ މުބާރާތުގައި މޮޅު ކުޅުމެއް ދައްކާފައެވެ. މިއަހަރުގެ މުބާރާތުގައި އޭނާ ވަނީ ލަނޑެއް ވެސް ޖަހާފައެވެ.