އޭޝިއާ ޕެޝިފިކް ޑިމޮކްރެޓިކް ޔޫނިއަން (އޭޕީޑީޔޫ) ގެ ޗެއާމަންކަމުގެ މަގާމަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ހަމަޖައްސައިފިއެވެ.
މިކަން ހާމަކޮށް ކުރި ޓްވީޓެއްގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ވަނީ އެ މަނިކުފާނަށް މަރުހަބާ ދަންނަވާފައެވެ.
އޭޕީޑީޔޫ އަކީ އިންޓަރނޭޝަނަލް ޑިމޮކްރެޓިކް ޔޫނިއަންގެ އޭޝިއާ ޕެސިފިކް ސަރަހައްދަށް ހާއްސަ ޑިވިޝަނެވެ. މި ޖަމިއްޔާގައި 15 ޤައުމެއްގެ 15 ޕާޓީއެއް ހިމެނެއެވެ.
މި ޖަމިއްޔާގައި ހިމެނޭ ޤައުމުތަކުގެ ތެރޭގައި އޮސްޓްރޭލިއާ އާއި ބަންގްލަދޭޝާއި ކެނެޑާ އާއި ޗައިނާއި ޗިލީ އާއި އެލް ސެލްވެޑޯރ އާއި އިންޑިއާ އާއި އިންޑޮނޭޝިއާ އާއި ދެކުނު ކޮރެއާއާއި މޮންގޯލިއާ އާއި ނޭޕާލް އާއި ނިއުޒިލެންޑާއި ސްރީލަންކާ އާއި އެމެރިކާ ހިމެނެއެވެ. ރާއްޖޭން މި ޖަމިއްޔާގައި ބައިވެރިވެފައިވަނީ އެމްޑީޕީން އެކަންޏެވެ.
މީގެ ކުރިން ކުރިން އެ ޖަމިއްޔާގެ ޗެއާމަނަކަށް ހުންނެވީ ސްރީލަންކާގެ ރައީސް ރަނިލް ވިކްރަމަސިންހައެވެ.
