ޕެންޝަން އޮފީހުގެ މުވައްޒަފުންނަށް ބޭސިކް ފަޔަރ އެވެއަރނަސް ފްރެކްޓިކަލް ސެޝަނެއް ކުރިއަށް ގެންގޮސްފި
މި ސެޝަނުގައި ޕެންޝަން އޮފީހުގެ 37 މުވައްޒަފުން ބައިވެރިވި
ބޭސިކް ފަޔަރ އެވެއަރނަސް ފްރެކްޓިކަލް ސެޝަންގެ ތެރެއިން
އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ޕެންޝަން އޮފީހުގެ މުވައްޒަފުންނަށް، ބޭސިކް ފަޔަރ އެވެއަރނަސް ޕްރެކްޓިކަލް ސެޝަނެއް ކުރިއަށް ގެންގޮސްފިއެވެ.
ކ.ވިލިމާލޭގައި ހުންނަ އެމްއެންޑީއެފް ފަޔަރ އެންޑް ރެސްކިޔު ޓްރެއިނިންގ ސްކޫލުގައި ނޮވެންބަރު 24 ވަނަ ދުވަހު ހިންގި މި ސެޝަނުގައި ޕެންޝަން އޮފީހުގެ 37 މުވައްޒަފުން ބައިވެރިވި ކަމަށް އެމްއެންޑީއެފުން މައުލޫމާތު ދީފައި ވެއެވެ.
މި ސެޝަނުގައި ކިޔަވައިދިން ބައިތަކުގެ ތެރޭގައި އަލިފާން ނިއްވާނެ ގޮތުގެ އަސާސީ މަޢުލޫމާތާއި، ފަޔަރ އެކްސްޓިންގުއިޝަރ އަދި ފަޔަރ ބްލޭންކެޓް ބޭނުން ކުރާނެ ގޮތް ހިމެނޭ ކަމަށް އެމްއެންޑީއެފުން މައުލޫމާތު ދިނެވެ.
މި ސެޝަނުގައި މުދައްރިބުންގެ ގޮތުގައި ހަރަކާތްތެރިވީ އެމްއެންޑީއެފް ފަޔަރ އެންޑް ރެސްކިޔު ޓްރެއިނިންގ ސްކޫލުގެ ފަޔަރމަނުންނެވެ.
އެމްއެންޑީއެފުން އަންނަނީ މިފަދަ އެކި ސެޝަންތައް އެކި މުއައްސަސާތަކުގެ މުވައްޒަފުންނަށް ހިންގަމުންނެވެ.
