ފަހެލި ކޭމްޕްގައި އެމްއެންޑީއެފް ސެންޓްރަލް އޭރިއާއިން އޮބްސްޓިކަލް ކޯހެއް ކުރިއަށްގެންގޮސްފި
12 ނޮވެމްބަރު 2022 | ހޮނިހިރު 07:40މި އޮބްސްޓިކަލް ކޯހަކީ ތަފާތު ފިޒިކަލް އޮބްސްޓިކަލްތައް ހިމެނޭހެން ކުރިއަށްގެންދިޔަ ފިޒިކަލް ހަރަކާތެއް
އެމްއެންޑީއެފް ސެންޓްރަލް އޭރިއާއިން ކުރިއަށްގެންދިޔަ އޮބްސްޓިކަލް ކޯހުގެ ތެރެއިން
ލ. އިހައްދޫ ސްކޫލުގައި ސްކައުޓުންނަށް ކުރިއަށްގެންދާ “ފަހެލި ކޭމްޕް 2022”ގައި އެމްއެންޑީއެފް ސެންޓްރަލް އޭރިއާ ކޮމާންޑުން އޮބްސްޓިކަލް ކޯހެއް ކުރިއަށްގެން ގޮސްފިއެވެ.
ނޮވެންބަރު 11 ވަނަ ދުވަހު އިހައްދޫ ސްކޫލުގައި ކުރިއަށް ގެންދިޔަ އޮބްސްޓިކަލް ކޯހަކީ ތަފާތު ފިޒިކަލް އޮބްސްޓިކަލްތައް ހިމެނޭހެން ކުރިއަށްގެންދިޔަ ފިޒިކަލް ހަރަކާތެކެވެ.
މި ހަރަކާތަކީ، ސްކައުޓުންގެ މޯޓިވޭޝަން މަތިކޮށް ޓީމްވޯކް ވަރުގަދަ ކުރުމުގެ ގޮތުންނާއި، ހައްޓަށް ބުރަކޮށް މަސައްކަތްކުރަންޖެހޭ ހާލަތްތަކުގައި ކުދިންގެ ވިސްނުމުގެ ގާބިލުކަން އިތުރުކުރުމަށާއި، ލީޑަރޝިޕްގެ ހުނަރު އަށަގެންނެވުމުގެގޮތުން ހިންގި ހަރަކާތެކެވެ.
މި ހަރަކާތުގައި އެ ސްކޫލުގެ 52 ސްކައުޓުން ބައިވެރިވެ، އޮބްސްޓިކަލް ރޭސް ފުރިހަމަކޮށްފައިވެއެވެ. އޮބްސްޓިކަލް ކޯސް ހިންގުމުގައި ހަރަކާތްތެރިވީ އެމްއެންޑީއެފް ސެންޓްރަލް އޭރިއާ ކޮމާންޑްގެ ސިފައިންނެވެ.
