މޮންޒާގެ ޑިފެންޑަރު ޕަބްލޯ، އޮޕަރޭޝަނަށްފަހު ގެއަށް ދޫކޮށްލައިފި
30 އޮކްޓޯބަރު 2022 | އާދީއްތަ 15:46ޕަބްލޯ އެނބުރި ކުޅުމަށް ނުކުންނަން މަދުވެގެން ދެ މަސްދުވަސް ނަގާނެ
ޕަބްލޯ މާރީ
އިޓާލިއަން ލީގުގައި ވާދަކުރާ މޮންޒާގެ ޑިފެންޑަރު ޕަބްލޯ މާރީއަށް ވަޅިން ހަމަލާދިނުމުން ހޮސްޕިޓަލަށް ގެންގޮސް އޮޕަރޭޝަނެއް ކުރުމަށްފަހު ގެއަށް ދޫކޮށްލައިފިއެވެ.
މިލާންގެ ސުޕަރމާކެޓެއްގައި ޕަބްލޯ ހުއްޓައި، އޭނާއާއި އެތަނުގައި ތިބި އެހެން ހަތަރު މީހަކަށް ވަނީ ވަޅިން ހަމަލާދީފައެވެ. މި ހަމަލާގައި އަނިޔާވި ސުޕަރމާކެޓުގެ މުވައްޒަފަކު ވަނީ މަރުވެފައެވެ. މީގެ އިތުރުން އަނިޔާވީ ސުޕަރމާކެޓުގައި ވިޔަފާރިކުރަން ތިބި ކަސްޓަމަރުންތަކަކަށެވެ.
މި ހަމަލާގައި ލިބުނު އަނިޔާއިން ރަނގަޅުވުމަށް ޕަބްލޯ ވަނީ ހުކުރު ދުވަހު އޮޕަރޭޝަނެއް ކޮށްފައެވެ. އޮޕަރޭޝަން ކުރީ މިލާންގެ ނިގުއާޑާ ހޮސްޕިޓަލުގައެވެ.
ގެއަށް ދޫކޮށްލިނަމަވެސް ޕަބްލޯ އެނބުރި ކުޅުމަށް ނުކުންނަން މަދުވެގެން ދެމަސް ނަގާނެއެވެ.
2020 ވަނަ އަހަރު އާސެނަލްއާ ގުޅުނު ޕަބްލޯ މިހާރު މޮންޒާއަށް ކުޅެނީ ލޯނު އުސޫލުންނެވެ. އޭނާ ވަނީ މިހާތަނަށް މޮންޒާގައި 8 މެޗު ކުޅެ، އެއް ލަނޑު ޖަހާފައެވެ.
