ބަޔާންގެ ޑިފެންޑަރު ޖެރޯމް ބޯޓެން ޖޫރިމަނާކޮށްފި

ޖަރުމަންގެ މިއުނިކް ދޫކޮށް ބަވޭރިއާއަށް ދިޔުމުން ބަޔާން މިއުނިކްގެ ޑިފެންޑަރު ޖެރޯމް ބޯޓެން ޖޫރިމަނާކުރަން އެ ކްލަބުން ނިންމައިފި އެވެ.

އުމުރުން 31 އަހަރުގެ ބޯޓެން މިއުނިކް ދޫކޮށް ބަވޭރިއާއަށް ދިޔައީ އޭނާގެ ހަތަރު އަހަރުގެ ދަރިފުޅު ބަލުވުމުންނެވެ. ބަވޭރިއާއަކީ މިހާރު ފެތުރެމުންދާ ކޮރޯނާވައިރަސް (ކޮވިޑް-19) އާ ގުޅިގެން ޖަރުމަނުން އެންމެ ފުރަތަމަ ލޮކްޑައުން ކުރި އެއް ސަރަހައްދެވެ.

ބޯޓެން ބުނީ ކްލަބަށް ނާންގައި މިއުނިކް ދޫކޮށް ދިޔުމަކީ ކުށެއް ކަމަށާއި، އެކަމަކު އެ ދަނޑިވަޅުގައި ދަރިފުޅު ބަލިވުމުން އިތުރު ކަމަކާ ނުވިސްނުނު ކަމަށެވެ. އަދި ދިން އަދަބަށް ފުރިހަމައަށް އިޚްތިރާމުކުރާ ކަމަށާއި، ނަމަވެސް އަމިއްލަ ދަރިފުޅު ކައިރިއަށް ދިޔުމާ ގުޅިގެން އަދަބު ދިނުމަކީ ހިތާމަކުރާ ކަމެއް ކަމަށްވެސް ވަނީ ބުނެފައެވެ. ބޯޓެން އިތުރަށް ބުނީ އޭނާގެ ދަރިފުޅުގެ ހާލު ރަނގަޅު ނޫން ކަމަށާއި، ދެންވެސް ދަރިފުޅަށް ކަމެއް ދިމާވާ ހާލަތެއްގައި ދަރިފުޅު ކައިރިއަށް ދާނެ ކަމަށެވެ.

ބަޔާނުން ނެރުނު ބަޔާނެއްގައި ބުނެފައިވަނީ ބޯޓެން ޖޫރިމަނާކުރީ ސަރުކާރުން ކަނޑައަޅާފައިވާ ގަވާއިދުތަކަށް ބޯލެނބުމަށް ކަމަށެވެ. ބޯޓެން ޖޫރިމަނާކުރި އަދަދެއް ބަޔާނުން ހާމަކޮށްފައި ނުވި ނަމަވެސް، އެ ކްލަބުން ބުނީ ބޯޓެންގެ ޖޫރިމަނާ ފައިސާ މިއުނިކްގެ ހޮސްޕިޓަލަކަށް ހަދިޔާކުރަން ނިންމާފައިވާ ކަމަށެވެ.

ޖަރުމަންގައި ކޮވިޑް-19 ހަލުވިކަމާއެކު ފެތުރެމުން އަންނައިރު، ޖަރުމަން ލީގުގެ މެޗުތައް އޭޕްރީލް މަހުގެ ނިޔަލަށް ފަސްކުރުމަށް މިހާރު ވަނީ ނިންމާފައެވެ.