ބޮޑުތަކުރުފާނު މަގަށް ލީކުވާ ފެން ހިއްކޭނެ ނިޒާމެއް ގާއިމުކޮށްފި
21 އޮކްޓޯބަރު 2022 | ހުކުރު 12:58ފެން ލީކުވަނީ ލޮނު ފެން ނެގުމަށް އަޅާފައިވާ ހޮޅިއެއް ފަޅައިގެންގޮސްގެން
ޑީ ވޯޓަރިންގެ މަސައްކަތަށް ރޭމްޕު ހަރުކުރަނީ
ސްޓެލްކޯއާ ދިމާ ބޮޑުތަުރުފާނުގެ މަގުގެ އަޑިއަށް ފެން ލީކުވެ އަޑިން ފެން އަރަމުންދާތީ ލީކުވާ ފެން ހިއްކޭނެ ނިޒޭމެއް ސްޓެލްކޯއިން ގާއިމުކޮށްފިއެވެ.
މަގު އަޑިއަށް ފެން ލީކުވަމުންދަނީ ހޮޅިއެއް ފަޅައިގެން ދިއުމުގެ ސަބަބުންނެވެ. އެއީ ސްޓެލްކޯއަށް ބޭނުންވާ ލޮނު ފެން ނެގުމަށް އަޅާފައިވާ ހޮޅިއެކެވެ. ބުދަ ދުވަހުން ފެށިގެން ސްޓެލްކޯއިން ގެންދަނީ މިކަމަށް ހައްލެއް ހޯދުމަށް މަސައްކަތްކުރަމުންނެވެ.
ހުކުރު ދުވަހު ސްޓެލްކޯއިން ބުނީ އެ ހޮޅިޅަށް ލިބިފައިވާ ގެއްލުން މިހާރު ދެނެގަނެވިފައިވާކަމަށެވެ. ހޮޅި މަރާމާތުކުރުމުގެ މަސައްކަތް މިހާރު ކުރަމުންދާކަމަށާއި، ބޮޑުތަކުރުފާނު މަގަށް ލީކުވާ ފެން ހިއްކޭނެ ނިޒާމެއް މިހާރު ގާއިމުކުރެވިފައިވާކަމަށް ސްޓެލްކޯއިން ބުނެފައިވެއެވެ.
މި މަސައްކަތް ކުރިއަށްދާ ވަގުތުގައި ބޮޑުތަކުރުފާނު މަގުގެ ޓްރެފިކް ފްލޯ ދެމެހެއްޓުމަށް ޑީވޯޓާ ޕައިޕްތަކުގެ މަތީގައި ރޭމްޕެެއް ވަނީ ގާއިމުކޮށްފައެވެ.
މި މަސައްކަތް ސްޓެލްކޯއިން ކުރަމުންދަނީ އެ ސަރަހައްދުގެ ތާރުގަނޑު ނަގައިގެންނެވެ. މި މަސައްކަތް ނިންމަން ސިޓީ ކައުންސިލުން ސްޓެލްކޯއަށް ދީފައިވަނީ 3 ދުވަހުގެ މުއްދަތެކެވެ.
