ކިޑްސް ސޭވަރ އެކައުންޓު ހުޅުވައިގެން އިނާމު ލިބޭ ޕްރޮމޯޝަނެއް ބީއެމްއެލްއިން ފަށައިފި
ޕްރޮމޯޝަން ކުރިޔަށްދާނީ 16 އޮކްޓޯބަރު އިން ފެށިގެން 16 ނޮވެމްބަރު 2022 ގެ ނިޔަލަށް
ބީއެމްއެލް
ބޭންކް އޮފް މޯލްޑިވްސް (ބީއެމްއެލް) އިން ކިޑްސް ސޭވަރ އެކައުންޓު ހުޅުވާ ފަރާތްތަކަށް ހާއްސަ ޕްރޮމޯޝަނެއް ފަށައިފިއެވެ.
އާދީއްތަ ދުވަހު ފެށި މި ޕްރޮމޯޝަނުގެ ދަށުން އެންމެ ފުރަތަމަ ހުޅުވާ 1500 ކިޑްސް ސޭވަރ އެކައުންޓުގެ ތެރެއިން ކޮންމެ އެކައުންޓަކަށް ބޭންކުން 200 ރުފިޔާ ޖަމާ ކުރާނެއެވެ. އަދި ކާޑު ބޭނުންވާ ކަސްޓަމަރުންނަށް ހިލޭ ރީލޯޑް ކުރެވޭ ޕްރިޕެއިޑް ކާޑެއް ލިބޭނެއެވެ.
މީގެ އިތުރުން ޕްރޮމޯޝަން ނިމޭއިރު ކިޑްސް ސޭވަރ އެކައުންޓު ހުޅުވާފައިވާ ފަރާތްތަކުގެ ތެރެއިން 50 ފަރާތަކަށް 2،500 ރުފިޔާ ވެސް ލިބޭނެއެވެ.
މި ޕްރޮމޯޝަން ކުރިޔަށްދާނީ 16 އޮކްޓޯބަރު އިން ފެށިގެން 16 ނޮވެމްބަރު 2022 ގެ ނިޔަލަށެވެ.
މި ޕްރޮމޯޝަންގެ މުއްދަތުގައި، ބީއެމްއެލް އަދި ބީއެމްއެލް އިސްލާމިކް ކިޑްސް ސޭވަރ އެކައުންޓު ހުޅުވާ ފަރާތްތަކަށް ހާއްސަ ކައުންޓަރެއް ހުޅުމާލެ ބްރާންޗް، ވިލިމާލެ ބްރާންޗް، އެކައުންޓު އޯޕަނިންގ ސެންޓަރު އަދި ބީއެމްއެލް އިސްލާމިކް ބްރާންޗް ގައި ހުންނާނެ ކަމަށް އެ ބޭންކުން ބުނެއެވެ.
މީގެ އިތުރުން 29 އޮކްޓޯބަރު 2022 ވާ ހޮނިހިރު ދުވަހު ކިޑްސް ސޭވަރ އެކައުންޓު ހުޅުވުމަށް ހާއްސަކޮށް ބީއެމްއެލް އެކައުންޓު އޯޕަނިންގ ސެންޓަރު އަދި ބީއެމްއެލް އިސްލާމިކް ބްރާންޗް ވެސް ހުޅުވާފައި ހުންނާނެ ކަމަށް އެ ބޭންކުން ބުނެއެވެ.
