ދަށް އާމްދަނީ ލިބޭ ޤައުމަކަށް ބަދަލު ނުކުރާނެ ކަމަށާއި ނަމަވެސް އެފަދަ ޤައުމުތަކަށް ލިބޭ އެހީއަށް ވޯލްޑް ބޭންކުން އެދެން ނިންމާފައިވާ ކަމަށް ސްރީލަންކާގެ ސަރުކާރުން ބުނެފިއެވެ.
ލަންކާގެ ރައީސްގެ އޮފީހުން ނެރުނު ބަޔާނެއްގައި ބުނީ ލަންކާ އޮންނާނީ މެދު އާމްދަނީ ލިބޭ ޤައުމެއްގެ ގޮތުގައި ކަމަށެވެ. އެ އޮފީހުން މިހެން ބުނެފައިވަނީ ކެބިނެޓުގެ ތަރުޖަމާނު އެ ޤައުމުގެ ސްޓޭޓަސް ދަށް އާމްދަނީ ލިބޭ ޤައުމަކަށް ބަދަލު ކުރުމަށް ނިންމާފައިވާ ކަމަށް އިއުލާންކުރައްވާފައިވަނިކޮށެވެ.
ކެބިނެޓްގެ ތަރުޖަމާނު އެފަދައިން ވިދާޅުވީ ލަންކާގެ އިގްތިސާދީ ހާލަތު ދަށްވުމުގެ ސަބަބުން އެ ޤައުމަކީ ދަށް އާމްދަނީ ލިބޭ ޤައުމެއްގެ ގޮތުގައި ކަނޑައެޅުމުން ބޭރުގެ އެހީ ހޯދަން ފަސޭހަވާނެތީއެވެ. ނަމަވެސް އެގޮތަށް އެކަން ނުކޮށް ބޭރުގެ އެހީއަށް އެދެން ނިންމާފައިވާކަމަށް އަންގާރަ ދުވަހު ލަންކާގެ ރައީސްގެ އޮފީހުން ވަނީ ބުނެފައެވެ.
ދަށް އާމްދަނީ ލިބޭ ގައުމުތަކަށް ވޯލްޑް ބޭންކުގެ ޑިވިޝަނެއް ކަމަށްވާ އިންޓަނޭޝަނަލް ޑިވެލޮޕްމަންޓް އެސޯސިއޭޝަން (އައިޑީއޭ) އިން އެހީތެރިކަން ފޯރުކޮށްދެއެވެ.
