މެލޭޝިޔާގެ ލަންކާވީގައި ކުރިއަށްދާ ކެރަމް ވޯލްޑް ޗެމްޕިއަންޝިޕްގެ އަންހެން ޑަބަލްސް ކުއާޓާ ފައިނަލުން ރާއްޖޭގެ ދެ ޕެއާ ޖާގަ ހޯދައިފިއެވެ.

ކުއާޓާ އިން ޖާގަ ހޯދި ރާއްޖޭގެ ދެ ޕެއާއަކީ އާމިނަތު ވިދާހު އަދި އަައިޝަތު ފައިނާޒްގެ ޕެއާ އާއި އައިޝަތު ނަހުފާ އަދި އާމިނަތު ވިޝާމާގެ ޕެއާއެވެ.

ވިދާދު އާއި ފައިނާޒްގެ ޕެއާ ކުއާޓާއިން ޖާގަ ހޯދީ ހޯމަ ދުވަހުގެ ހެނދުނު ޔޫކޭ އާ ދެކޮޅަށް ކުޅުނު މެޗު ކާމިޔާބުކޮށްގެންނެވެ. މި ޕެއާ އިން ޔޫކޭގެ ޖައިން ޕްރިންސިލާ އަދި ފަވާގެ ޕެއާއާ ވާދަކޮށް މެޗު ކާމިޔާބުކުރީ 0-25 އަދި 0-25 އިންނެވެ. ކުއާޓާގައި މި ޕެއާ ނުކުންނާނީ ސިންގަޕޫރުގެ ސިރީޝާ އަދި މަހާތީ އަސޫރީގެ ޕެއާއާ ދެކޮޅަށެވެ.

ރާއްޖޭގެ ނަހުފާ އާއި ވިޝާމާގެ ޕެއާ އިން ކުއާޓާގެ ޖާގަ ހޯދީ ސިންގަޕޫރު ބަލިކޮށްގެންނެވެ. މި ޕެއާއިން ސިންގަޕޫރު ބަލިކުރީ 8-25 އަދި 12-25 އިންނެވެ. ކުއާޓާގައި މި ޕެއާ އިން ނުކުންނާނީ އިންޑިއާގެ ކާޖަލް ކުމާރީ އަދި ދިބާޖަނީގެ ޕެއާއާ ދެކޮޅަށެވެ.

ރާއްޖޭގެ އަންހެން ޓީމު ވެސް ވަނީ އެންމެ ފަހުން ބޭއްވި ކެރަމް ވޯލްޑް ޗެމްޕިއަންޝިޕްގައި ވާދަކޮށް ލޯ މެޑަލް ހޯދާފައެވެ.