ކެރަމް ޖޫނިއާ މުބާރާތް: 15 އަހަރުން ދަށުގެ ޗެމްޕިއަންކަން އަޒްލާން އަދި ރީމް އަށް
ފިރިހެން ސިންގަލްސް ފައިނަލްގައި އަޒްލާން ވާދަކޮށްފައި ވަނީ އިސްމާއީލް ޝަމްހާން ޝާހްއާ އެވެ. އަންހެން ސިންގަލްްސް ފައިނަލްގައި ރީމް ވަނީ ހާޖަރު ބިންތި މުޙައްމަދު ތައުފީގު އަލީގެ މައްޗަށް ކުރި ހޯދައިފަ އެވެެ.
15 އަހަރުން ދަށުގެ ފިރިހެން އިވެންޓުގެ ޗެމްޕިއަންކަން ހޯދި އަޒްލާން އަދި އަންހެން ޗެމްޕިއަންކަން ހޯދި ރީމް
ކެރަމް އެސޯސިއޭޝަން އޮފް މޯލްޑިވްސް އިން ކުރިއަށް ގެންދާ، ކެރަމް ޖޫނިއާ މުބާރާތުގެ 15 އަހަރުން ދަށުގެ ސިންގަލްސް އިވެންޓުގެ ޗެމްޕިއަންކަން އަޒްލާން އައުޒަލް ހޯދިއިރު، އަންހެން ޗެމްޕިއަންކަން އައިޝަތު ރީމް ހޯދައިފި އެވެ.
ފިރިހެން ސިންގަލްސް ފައިނަލްގައި އަޒްލާން ވާދަކޮށްފައި ވަނީ އިސްމާއީލް ޝަމްހާން ޝާހްއާ އެވެ. އެ މެޗު ކާމިޔާބު ކޮށްފައި ވަނީ އަޒްލާން އެވެ. ފިރިހެންް ސިންގަލްސް އިވެންޓުގެ ތިން ވަނަ ހޯދީ އަލީ އަޚްކަމް އެވެ.
އަންހެން ސިންގަލްްސް ފައިނަލްގައި ރީމް ވަނީ ހާޖަރު ބިންތި މުޙައްމަދު ތައުފީގު އަލީގެ މައްޗަށް ކުރި ހޯދައިފަ އެވެެ. އަންހެން އިވެންޓުގެ ތިން ވަނަ އަށް ދިޔައީ ޒިއުނާ ބިންތި ނަޝީދު އެވެ.
މީގެ އިތުރުން ފިރިހެން ޑަބަލްސްގެ ފައިނަލްގައި ޢަބްދުލް މާލިކް ޙަސަަން ޢަބްދުއް ލަތީފް އަދި އިސްމާއީލް ޝަމްހާން ޝާހްގެ ޕެއާގެ މައްޗަށް ކުރި ހޯދައި ޗެމްޕިއަންކަން ހޯދީ ޢަބްދުﷲ ކަޔާން ބިން ޝާޒް އަދި ޒާހިލް ޒާލިފް އަޙުމަދު އެވެ. ފިރިހެން ޑަބަލްސްގެ ތިން ވަނަ ހޯދީ އަޒްލާން އަދި ޔޫސުފް އިޒްކާންގެ ޕެއާ އިންނެވެ.
އަންހެން ޑަބަލްސްގެ ފައިނަލްގައި އައިޝަތު އަލީޝާ ނާފިއު އަދި ޒިއުނާގެ ޕެއާ އިން ވަނީ، ސޮފިޔާ ސުނާކް ޝާކިރު އަދި ސޮފިއާ ނައުރާ ޝިފާއުގެ ޕެއާގެ މައްޗަށް ކުރި ހޯދައިފަ އެވެ. އަންހެން ޑަބަލްސްގެ ތިން ވަނަ ހޯދީ ރީމް އަދި ފާތިމަތު ޒާޝް ޒިޔާދުގެ ޕެއާ އިންނެވެ.
މީގެ އިތުރުން ޖޫނިއާ ކެރަމް މުބާރާތުގެ 19 އަހަރުން ދަށުގެ ކުޅުން ވެސް ކުރިއަށް ގެންދެ އެވެ. މި އުމުރުފުރާގެ ފައިނަލް މެޗުތައް އޮތީ ހުކުރު ދުވަހު އެވެ.
