ރާއްޖޭގެ ފިރިހެން ޑަބަލްސް ދެ ޕެއާ ގަދަ 16 އަށް

މެލޭޝިޔާގެ ލަންކާވީގައި ކުރިއަށްދާ ކެރަމް ވޯލްޑް ޗެމްޕިއަންޝިޕްގެ ފިރިހެން ޑަބަލްސް ބައިން ރާއްޖޭގެ ދެ ޕެއާ އެއް ގަދަ 16 އަށް ދަތުރުކޮށްފިއެވެ.

މުބާރާތުގެ ގަދަ 16 އިން ޖާގަ ލިބުނީ ޤައުމީ ފިރިހެން ޗެމްޕިއަން އިސްމާއިލް އަޒްމީން އަދި އާދަމް އަދީލްގެ ޕެއާ އާއި މުޙައްމަދު މުންތަސިރު އަދި އިބްރާހިމް ހުޖާންގެ ޕެއާއަށެވެ.

ހޯމަ ދުވަހު ހެނދުނު ކުރިއަށް ދިޔަ މެޗުގައި އަޒްމީން އަދި އަދީލްގެ ޕެއާ ވާދަކުރީ އިޓަލީގެ އަޔީޝް ވަންޑާލަން އަދި ނިކޯލްގެ ޕެއާއެވެ. މި މެޗު ރާއްޖޭގެ ޕެއާ އިން ކާމިޔާބުކުރީ 6-25 އަދި 0-25 އިންނެވެ. ގަދަ 16 ވަނަ ބުރުގައި މި ޕެއާ ނުކުންނަނީ ސްރީ ލަންކާގެ އުޑޭޝް ޕެރެރާ އަދި ސޫރަޖްގެ ޕެއާއާ ދެކޮޅަށެވެ.

ގަދަ 16 ވަނަ ބުރުގައި ދެން ވާދަކުރާ މުންތަސިރު އަދި ހުޖާންގެ ޕެއާ ނުކުންނާނީ ފްރާންސްގެ އަންޖުލާ އަދި ކުގަތަސްގެ ޕެއާ އާ ދެކޮޅަށެވެ.

ރާއްޖެއިން މިއަހަރުގެ މުބާރާތަށް ކަނޑައަޅާފައިވާ ޓާގެޓަކީ ރަން މެޑައްޔެވެ. އެންމެ ފަހުން ބޭއްވި މުބާރާތުގައި ރާއްޖެއިން ވަނީ ލޯ މެޑަލް ހޯދާފައެވެ.