ކާބުލްގެ ތައުލީމުދޭ މަރުކަޒެއްގައި ދިން ބޮމުގެ ހަމަލާއެއްގައި 19 މީހުން މަރުވެއްޖެއެވެ.
ރިޕޯޓުުތައް ބުނާގޮތުން މި ހަމަލާގައި އިތުރު 27 މީހުން ނަށް ވަނީ އެކި އަނިޔާތައް ލިބިފައެވެ. މި ބޮން ގޮއްވާލާފައިވަނީ އެ މަރުކަޒުގެ އެތެރޭގައެވެ.
މިއީ ކޮން ބަޔަކު ދިން ހަމަލާއެއް ކަމެއް އަދި ދެނެގަނެވިފައިނުވާކަމަށް ރިޕޯޓުތައް ބުނެއެވެ. ބައެއް ރިޕޯޓުތައް ބުނާގޮތުން މި ބޮން ގޮއްވާލާފައިވަނީ މީހަކު އަމިއްލަ ހަށިގަޑުގައި ބޮން ހަރުކޮށް، ބޮންގޮއްވާލައިގެންނެވެ.
ބޮމުގެ ހަމަލާދިންފަހުން ލެއިން ފޯވެފައި ތިބި ބަޔަކު އެތަނުން ނެރޭ މަންޒަރު ފެންނަ ވީޑިއޯތަކެއް ސޯޝަލް މީޑިއާގައި ވަނީ އާންމުވެފައެވެ.
