އެމްޕީއެލުން ރިޓަޔަރ ކުރި މުވައްޒަފުންނާއި ދިގު މުއްދަތަކަށް ޙިދުމަތްކުރި މުވައްޒަފުންނަށް އެވޯޑުތައް ދީފި
25 ސެޕްޓެމްބަރު 2022 | އާދީއްތަ 04:2330 އަހަރަށްވުރެން ދިގު މުއްދަތެއް 12 މުވައްޒަފުން ހޭދަކޮށްފައިވޭ
30 އަހަރަށްވުރެން ދިގު މުއްދަތެއް ހޭދަކޮށްފައިވާ މުވައްޒަފަކަށް ރައީސުލްޖުމްހޫރިއްޔާ އެވޯޑް ހަވާލުކޮށްދެއްވަނީ
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ރިޓަޔަރ ކުރި މުވައްޒަފުންނާއި ކުންފުންޏަށް ދިގު މުއްދަތަކަށް ޚިދުމަތް ކުރި މުވައްޒަފުންނަށް އެވޯޑުތައް ހަވާލުކޮށްފިއެވެ.
އެމްޕީއެލްގެ 36 ވަނަ އަހަރީ ދުވަސް ފާހަގަ ކުރުމަށް ހޮނިހިރު ދުވަހުގެ ރޭ ބޭއްވި ހާއްސަ ޖަލްސާގައި ކުންފުނިން ރިޓަޔަރ ކުރި މުވައްޒަފުންނަށް އެވޯޑުތައް ހަވާލުކޮށްދެއްވީ ކުންފުނީގެ ޑެޕިއުޓީ ސީއީއޯ އިބްރާހިމް އަބްދުﷲ އެވެ.
ރިޔަޓަރ ކުރި މަވައްޒަފުން:
މީގެއިތުރުން ޖަލްސާގެ ތެރެއިން ވަނީ ކުންފުންޏަށް 30 އަހަރަށްވުރެން ދިގު މުއްދަތެއް ހޭދަކޮށްފައިވާ މުވައްޒަފުންގެ އަގު ވަޒަންކޮށް އެ މުވައްޒަފުންނަށް ކާއްސަ އެވޯޑެއް ވެސް ދީފައެވެ. މި އެވޯޑް ހަވާލު ކޮށްދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙުއެވެ.
30 އަހަރަށްވުރެން ދިގު މުއްދަތެއް ހޭދަކޮށްފައިވާ މުވައްޒަފުން:
ޖަލްސާގައި އެމް.ޕީ.އެލްގެ ފަރާތުން ރައީސުލްޖުމްހޫރިއްޔާއަށް ވަނީ ޕޯޓްގެ މޮޑެލްއެއް ވެދުމަށް އަރުވާފައެވެ. އެގޮތުން ރައީސަށް މި މޮޑެލް ހަވާލުކޮށްދެއްވީ އެ ކުންފުނީގެ ސީއީއޯ ޝާހިދުއެވެ.
މި ޖަލްސާގައި ރައީސުލްޖުމްހޫރިއްޔާވަނީ އެމް.ޕީ.އެލްގެ މުވައްޒަފުން ކުރައްވާ މަސައްކަތްތައް ފާހަގަކުރައްވާ އެބޭފުޅުންނަށް ޝުކުރުއަދާކުރައްވާފައެވެ. އަދި އެމް.ޕީ.އެލްގެ މުވައްޒަފުންނަށް ކުރިމަތިވެފައިވާ ބޯހިޔާވަހިކަމުގެ މައްސަލައަށް އަލިއަޅުއްވާލައްވާ ވާހަކަފުޅު ދައްކަވާފައިވެއެވެ. އެގޮތުން އެމް.ޕީ.އެލްގެ މުވައްޒަފުންނަށް ތަރައްޤީކުރާ ފްލެޓްތަކުގެ އަގާ މެދު މުވައްޒަފުންގެ މެދުގައި ކަންބޮޑުވުންތަކެއް ހުރިކަންފާހަގަކުރައްވާ އެކަމާގުޅިގެން އެމަނިކުފާނު ވަނީ ކުންފުނީގެ ވެރިންނާ އެމަނިކުފާނު މަޝްވަރާކުރައްވާފައިވާކަން ފާހަގަކުރައްވާފައެވެ. އަދި އެމަނިކުފާނު އުންމީދު ކުރައްވާ ގޮތުގައި ކުންފުނީގެ ބޯޑުން މިހާރު ނިންމާފައިވާ ނިންމުމުން، އެމް.ޕީ.އެލްގެ މުވައްޒަފުންގެ
