ކްލަބް މޯލްޑިވްސް ކަޕްގެ ގުރުއަތު ލައިފި، މުބާރާތް ފެށުން އޮކްޓޯބަރު 1 ގައި

އަންނަ އޮކްޓޯބަރު މަހުގެ ފުރަތަމަ ދުވަހު ފަށަން ހަމަޖެހިފައިވާ ކްލަބް މޯލްޑިވްސްކަޕްގެ ގުރުއަތު ލައިފިއެވެ.

އެންމެ ފަހުގެ ޗެމްޕިއަން ރޯޑް ޑިވެލޮޕްމަންޓް ކޯޕަރޭޝަން އޮތީ މާލޭ ސިޓީ ކައުންސިލާއި, މީޑިޔާ ނެޓާއި, މޯލްޑިވިއަން ހިމެނޭ ގްރޫޕް ބީގައެވެ. ގްރޫޕް އޭގައި އޮތީ މުބާރާތަށް ވަރުގަދައަށް ތައްޔާރުވަމުން އަންނަ ވެމްކޯއާއި, ކްލަބް އެމްޓީސީސީއާއި, ފެން ކްލަބާއި, މިފްކޯ ރެކްރިއޭޝަން ކްލަބެވެ.

ގްރޫޕް ސީގައި ވާދަކުރާނީ މޯލްޑިވްސް އެއަޕޯރޓްސް ކޮމްޕެނީ ލިމިޓެޑާއި, ޓެރޭޑް ކްލަބާއި, ކްލަބް އޭވިއޭޝަން ސެކިއުރިޓީއާއި, ޓީމް ޑީޖީއޭއެވެ. ފެނަކަ އޮތީ ގްރޫޕް ޑީގައެވެ. އެގްރޫޕްގައި ދެން ހިމެނެނީ ޔުނައިޓެޑް ބީއެމްއެލްއާއި, ޓީމް ސިވިލް ކޯޓާއި, ކްލަބް އެއަޕޯރޓްސްއެވެ.

ގްރޫޕް އީގައި ޓީމް އެފްއެސްއެމްއާއެކު ވާދަކުރާނީ ސްޓެލްކޯ ކްލަބާއި, ރާއްޖެ އޮންލައިން ކްލަބާއި, މިނިސްޓްރީ އޮފް ހޯމްއެފެއާޒްގެ ހާކެވެ. އެމްޕީއެލް އޮތީ ގްރޫޕް އެފްގައެވެ. އެގްރޫޕްގައި ދެން ހިމެނެނީ ކަސްޓަމްސްއާއި, މިނިސްޓްރީ އޮފް ޔޫތް އެންޑް ސްޕޯރޓްސްއާއި, ކްލަބް އާސަންދައެވެ.

އެޗްޑީސީ ވާދަކުރާނީ ގްރޫޕް ޖީގައެވެ. އެގްރޫޕްގައި ދެން ހިމެނެނީ ދިވެހި ސިފައިންގެ ކްލަބާއި, އެމްއެމްއޭ ސޯޝަލް ކްލަބާއި, ކްލަބް ޓީޓީއެސްއެވެ. ގްުރޫޕް އެޗްގައި ވާދަކުރާނީ އެސްޓީއޯ ރެކްރިއޭޝަން ކްލަބާއި, ކްލަބް އިމިގްރޭޝަންއާއި, ޓީމް އެލައިޑްއާއި, މުލިއާގެ ރެކްރިއޭޝަން ކްލަބެވެ.

މުބާރާތް ފެށުމުގެ ކުރިން ފެށުމުގެ ރަސްމިއްޔާތެއް މިމަހުގެ 30 ވަނަ ދުވަހުގެރޭ ހުޅުމާލެ ރެހެންދި ފުޓްސަލް ދަނޑުގައި އޮންނާނެކަން ކްލަބް މޯލްޑިވްސްއިން ވަނީ އިއުލާންކޮށްފައެވެ.