އިސްލާމީ އުސޫލުތަކާއި ޙިލާފު ކޮންޓެންޓް ނެޓްފްލިކްސް އިން ނެގުމަށް އެދިއްޖެ
6 ސެޕްޓެމްބަރު 2022 | އަންގާރަ 15:41އަރަބި ޤައުމުތަކުގައި ނެޓްފިލްކްސް އިން ދައްކާ ކޮންޓެންޓްގެ ތެރެއިން އިސްލާމީ އުސޫލުތަކާއި ޙިލާފު ކޮންޓެންޓް ނެގުމަށް އެދިފައިވޭ
ނެޓްފްލިކްސް
އިސްލާމީ އުސޫލުތަކާއި ޙިލާފު ކޮންޓެންޓް ނެޓްފްލިކްސް އިން ނެގުމަށް ގަލްފް ކޯޕަރޭޝަން ކައުންސިލް ކަންޓްރީސްގެ އިލެކްޓްރޯނިކް މީޑިއާ އޮފިޝަލުންގެ ކޮމިޓީ (ޖީސީސީ) އާއި ޖެނެރަލް ކޮމިޝަން ފޯ އޯޑިއޯ ވިސުއަލް މީޑިއާ (ޖީސީއޭއެމް) އެދިއްޖެއެވެ.
އެ ދެތަނުން މިކަމަށް އެދުނީ ގުޅިފައިވާ ބަޔާނެއް ނެރުމަށްފަހުގައެވެ. އެ ބަޔާނުގައި ވަނީ އަރަބި ޤައުމުތަކުގައި ނެޓްފިލްކްސް އިން ދައްކާ ކޮންޓެންޓްގެ ތެރެއިން އިސްލާމީ އުސޫލުތަކާއި ޙިލާފު ކޮންޓެންޓް ނެގުމަށެވެ.
މި މައްސަލައާ ގުޅިގެން ކޮމިޓީ ބައްދަލުވުމެއް ބާއްވާފައިވާއިރު ރިޔާސީ ބަލަހައްޓާފައިވަނީ ސައުދީ އަރަބިއްޔާ އިންނެވެ.
މިކަން ސަމާލުކަށް އައިސްފައިވަނީ ގިނަ ބަޔަކު އެކަމާއި ގުޅިގެން މައްސަލަ ހުށަހެޅުމުންނެވެ. އަދި މިފަދަ ކޮންޓެންޓްތައް ދެއްކުމަކީ ޖީސީސީ ޤައުމުތަކުގެ މީޑިއާ ކޮންޓެންޓްގެ ޤަވާއިދާ ޙިލާފުކަމެކެވެ.
މި ބަޔާނުގައި ބުނެފައިވަނީ ނެޓްފިލްކްސް އިން ދައްކާ ބައެއް ކޮންޓެންޓުތަކަކީ އިސްލާމް ދީނާއި އިޖުތިމާއި މިންގަނޑުތަކާއި ޚިލާފު ކޮންޓެންޓުތަކެއް ކަމަށެވެ. އިސްލާމީ އުސޫލުތަކާއި ޙިލާފު ކޮންޓެންޓް ނެގުމަށް ނެޓްފިލްކްސް އަށް ޖީސީސީ އާއި ޖީސީއޭއެމް އިން ވަނީ އަންގާފައެވެ.
އަދި ޖީސީސީ ޤައުމުތަކުގެ މީޑިއާ ކޮންޓެންޓްގެ ޤަވާއިދާ އެއްގޮތަށް އަމަލުކުރުމަށް ވެސް ވަނީ ނަސޭހަތްތެރިވެފައެވެ. ނެޓްފިލްކްސް އިން އަރަބި ޤައުމުތަކުގައި މިފަދަ ކޮންޓެންޓް އިތުރަށް ދައްކާނަމަ އެމީހުންނާމެދު ފިޔަވަޅު އަޅާނެ ކަމަށް ޖީސީސީ އާއި ޖީސީއޭއެމް އިން ވަނީ ބުނެފައެވެ.
