ދެ ރަށެއްގައި އިތުރު ކްލާސްރޫމްތަކެއް އެޅުމަށް ބަޔަކާ ހަވާލުކޮށްފި
އައްޑޫ ސިޓީ ހިތަދޫ ސްކޫލްގެ 12 ކުލާސްރޫމް އިމާރާތްކުރުމަށް ހަވާލުކޮށްފައިވަނީ ނޫރައްދީން އިންވަސްޓްމަންޓް ޕްރައިވެޓް ލިމިޓެޑާ
ސ.ހިތަދޫ ސްކޫލުގެ 12 ކުލާސްރޫމް އިމާރާތުގެ މަސައްކަތް ހަވާލުކުރުމުގެ އެއްބަސްވުމުގައި ސޮއިކުރަނީ
ދެ ރަށެއްގައި އިތުރު ކުލާސްރޫމްތަކެއް އެޅުމަށް އެއްބަސްވުންތަކުގައި ސޮއިކޮށްފިއެވެ.
އެގޮތުން އައްޑޫ ސިޓީ ހިތަދޫ ސްކޫލްގެ 12 ކުލާސްރޫމް އިމާރާތްކުރުމަށް ހަވާލުކޮށްފައިވަނީ ނޫރައްދީން އިންވަސްޓްމަންޓް ޕްރައިވެޓް ލިމިޓެޑާއެވެ. މި މަސައްކަތް ހަވާލުކުރީ 365 ދުވަސްތެރޭގައި މަސައްކަތް ނިންމާގޮތަށެވެ. އެއީ، 10,892,066.11ރ (ދިހަ މިލިއަން އަށް ލައްކަ ނުވަދިހަ ހާސް ފަސްދޮޅަސް ހަ) ރުފިޔާއަށެވެ.
ދެން ސޮއިކޮށްފައިވަނީ ލ.މުކުރިމަގު ސްކޫލުގެ 2 ކުލާސްރޫމް އެޅުމަށެވެ. މިމަސައްކަތް ހަވާލުކޮށްފައިވަނީ އިސްކޯ އިންވެސްޓްމެންޓް ޕްރައިވެޓް ލިމިޓެޑާއެވެ. އެއީ 85 ދުވަސްތެރޭ މަސައްކަތް ނިންމާގޮތަށެވެ. މިއީ 1,666,488.70ރ (އެއް މިލިއަން ހަލައްކަ ފަސްދޮޅަސް ހަހާސް ހަތަރު ސަތޭކަ އަށްޑިހަ އަށް) ރުފިޔާގެ މަޝްރޫޢެކެވެ.
ސްކޫލްތަކުގެ ޖާގަ އިތުރުކުރުމަށް އެޑިޔުކޭޝަން މިނިސްޓްރީން ކުރަމުންދާ މަސައްކަތުގެ ދަށުން 1150 ކްލާސްރޫމުގެ މަސައްކަތް މިހާރު ވެސް ކުރިއަށްދާ ކަމަށާއި 196 ކްލާސްރޫމް ނިމިފައިވާކަމަށް އެޑިޔުކޭޝަން މިނިސްޓްރީން ބުނެއެވެ.
