ފުރަތަމަ ފަހަރަށް މާފުށި ކުނިކޮށި އެއްކޮށް ސާފުކޮށްފި
21 އޯގަސްޓު 2022 | އާދީއްތަ 10:17ގާތްގަނޑަކަށް 900 އަށްވުރެ ގިނަޓަނުގެ އެކިބާވަތުގެ ކުނި ހިމެނޭ
މާފުށި ކުނިކޮށި އެއްކޮށް ހުސްކުރުން
މާލެއަތޮޅު މާފުށީ ކުނިކޮށްޓަށް ޖަމާކުރެވި އެތައްދުވަހެއްވީ ކުނިފުނި ފުރަތަމަ ފަހަރަށް އެއްކޮށް ހުސްކޮށް ނިމިއްޖެކަމަށް އެންވަޔަރަމެންޓް މިނިސްޓްރީ އިން ހާމަ ކޮށްފި އެވެ. އެ މިނިސްޓްރީ އިން ބުނީ އެ ކުނިތައް މާފުށިން ގެންދެވުނީ ތިލަފުށި ވޭސްޓް ފެސިލިޓީއަށް ކަމަށެވެ. ގާތްގަނޑަކަށް 900 އަށްވުރެ ގިނަޓަނުގެ އެކިބާވަތުގެ ކުނި ހިމެނޭ ކުނިފުނި ހުސް ކުރީ މިނިސްޓްރީ އިން ވެމްކޯއާއި ހަވާލުކޮށްގެންނެވެ.
މާފުށްޓަކީ މާލެއަތޮޅުގެ ސިނާއީ މުހިންމު ރަށަކަށް ވެފައި އެރަށަކީ ގެސްޓުހައުސްތަައް ގިނަ ރަށަކަށް ވުމުން ކުނިތައް ނަގާ އެތަން ހުސްކުރުމަކީ މުހިއްމުކަމެއްކަމަށް މިނިސްޓްރީން ދެކެއެވެ. އަދި މިއީ މީގެ ކުރިން އެއްވެސް ސަރުކާރަކަށް ހައްލުނުކުރެވި އޮތް ބޮޑު މައްސަލައެއް ކަންވެސް މިނިސްޓްރީން ފާހަގަކުރެއެވެ. އެންވަޔަރަމަންޓް މިނިސްޓްރީ އިން ބުނީ އެ މަސައްކަތަކީ ފަތުރުވެރިކަމާއި އާންމު ސިއްހަތަށްވެސް ފައިދާހުރި މަސައްކަތެއް ކަމަށާއި، މިކަމަށް 3.5 މިލިޔަން ރުފިޔާ ހަރަދުކުރި ކަމަށެވެ.
މާފުށްޓަކީ މާލެއަތޮޅުގެ ސިނާއީ މުހިންމު ރަށަކަށްވެފައި އެރަށަކީ ގެސްޓުހައުސްތަައް ގިނަ ރަށެކަށް ވުމުން ކުނިތައް ނަގާ އެތަން ހުސްކުރުމަކީ މުހިއްމުކަމެއް ކަމަށް މިނިސްޓްރީން ބުނެފައިވެއެވެ. އަދި މިއީ މީގެ ކުރިން އެއްވެސް ސަރުކާރަކަށް ހައްލުނުކުރެވި އޮތް ބޮޑުމައްސަލައެއް ކަންވެސް މިނިސްޓްރީ އިން ފާހަގަކުރިއެވެ.
