ސިވިލް ކޯޓަށް ގާޒީއަކު ހޯދަނީ
ސިވިލް ކޯޓުގެ ގާޒީއެއްގެ އަސާސީ މުސާރައަކީ މަހަކު 30,000.00 ރުފިޔާ
ސިވިލް ކޯޓަށް ގާޒީއަކު ހޯދުމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން ވަނީ އިއުލާނު ކޮށްފައި
ސިވިލް ކޯޓަށް ގާޒީއަކު ހޯދުމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން އިއުލާނުކޮށްފިއެވެ.
ޖޭއެސްސީ އިން ހޯމަ ދުވަހު ވަނީ ސިވިލް ކޯޓަށް ގާޒީއަކު ހޯދުމަށް އިއުލާނު ކޮށްފައެވެ.
ސިވިލް ކޯޓުގެ ގާޒީއެއްގެ އަސާސީ މުސާރައަކީ މަހަކު 30,000.00 ރުފިޔާއެވެ. އަދި ލިވިންގ އެލަވަންސް ގޮތުގައި މަހަކު 15,000.00 ރުފިޔާ ލިބޭއިރު، ރިސްކް އެލަވަންސް ގޮތުގައި މަހެއްގެ މައްޗަށް 1،650.00 ރުފިޔާ ލިބެއެވެ.
އޭގެ އިތުރުން، ޤާނޫނު ނަންބަރު 2010/13 (ދިވެހިރާއްޖޭގެ ފަނޑިޔާރުންގެ ޤާނޫނު) ގައިވާ ގޮތުގެމަތިން ރައްޔިތުންގެ މަޖިލީހުންް ކަނޑައަޅާފައިވާ ގޮތުގެމަތިން މެޑިކަލް އިންޝުއަރެންސް އާއި ފޯނު އެލަވަންސް ލިބޭނެކަމަށްވެސް ޖޭއެސްސީ އިން މައުލޫމާތުދެއެވެ.
ޖޭއެސްސީ އިން ވަނީ މި މަޤާމަށް ޝައުޤުވެރިވާ ފަރާތްތަކުން 29 އޮގަސްޓް 2022 ވަނަ ދުވަހުގެ 13:00 ގެ ކުރިން އީމެއިލް މެދުވެރިކޮށް ފަނޑިޔާރުކަމަށް އެދި ހުށަހަޅާ ފޯމާއި ލިޔުންތައް ހުށަހަޅަން ބޭނުންވާ ފަރާތްތަކުން ކޮމިޝަންގެ ރަސްމީ އީމެއިލް އެޑްރެހަށް ފޮނުވުމަށް އެދިފައެވެ.
