އުހުދު ޙައްޖު އެންޑް އުމްރާ ގްރޫޕުގެ ފަރާތުން އުމްރާއަށް ދިޔަ ފަރާތްތަކުން އުމްރާގެ އަޅުކަން ފަށައިފި
އުހުދު ހައްޖު އެންޑް އުމްރާ ގްރޫޕުގެ ފަރާތުން އުމްރާއަށް ދިޔަ ފުރަތަމަ ގްރޫޕުގައި 38 މީހުން ދިޔަ
އުހުދު ޙައްޖު އެންޑް އުމްރާ ގްރޫޕުގެ ފަރާތުން އުމްރާއަށް ދިޔަ ފަރާތްތައް މައްކާގައި
އުހުދު ޙައްޖު އެންޑް އުމްރާ ގްރޫޕުގެ ފަރާތުން އުމްރާއަށް ދިޔަ ފަރާތްތަކުން އުމްރާގެ އަޅުކަން ފަށައިފިއެވެ.
ރާއްޖެއެމްވީއަށް މައުލޫމާތު ދެމުން އުހުދު ޙައްޖު އެންޑް އުމްރާ ގްރޫޕުން ބުނީ ހޮނިހިރު ދުވަހުގެ ފަތިހު 5:10 އުމްރާވެރިން ދިޔަ ފުލައިޓް ޖިއްދާގައި ޖައްސާފައިވާ ކަމަށެވެ. އުމްރާވެރިންގެ ހާލު ރަނގަޅުކަމަށްވެސް އެ ގްރޫއްޕުން ބުންޏެވެ.
އުހުދު ޙައްޖު އެންޑް އުމްރާ ގްރޫޕުން ބުނީ އުމްރާވެރިން ހޮޓަލަށް ދިއުމަށްފަހު، ސައިބޮއި ހަދައިގެން ތަވާފް ކުރަން ފަށާފައިވާ ކަމަށެވެ. އެ ގްރޫއްޕުން ބުނީ ބައެއް މީހުން ތަވާފްކޮށް ނިމެމުންދާ ކަމަށާއި، ބައެއް މީހުން ސަހުޔު ކުރަމުންދާ ކަމަށެވެ. އަދި ތަފާވްކޮށް ނިމިގެން އުމްރާވެރިން އަނބުރާ ހޮޓަލަށްދާނެ ކަމަށެވެ. އަދި ހޮޓަލަށް ދިއުމަށްފަހު ތަހައްލުލުވާނެކަމަށެވެ.
އުހުދު ހައްޖު އެންޑް އުމްރާ ގްރޫޕުގެ ފަރާތުން އުމްރާއަށް ދިޔަ ފުރަތަމަ ގްރޫޕުގައި 38 މީހުން ދިޔައެވެ. އެޑްވާންސް ޓީމު މިމަހުގެ 11 ވަނަ ދުވަހުގެ މައްކާއަށް ގޮސްފައިވާއިރު، ބާކީ ތިބި މީހުން މިހާރު ވަނީ ހޮނިހިރު ދުވަހުގެ ފަތިހު ފުލައިޓުން ޖިއްދާއަށް ގޮސް އުމްރާގެ އަޅުކަން ފަށާފައެވެ. އުމްރާގައި ޖުމްލަ 14 ދުވަސް ހޭދަކުރާނެއެވެ.
މީގެއިތުރުން އެޖަމާއަތުގެ އެހީގައި އުމްރާއަށް ދިޔުމަށް ގިނަ ފަރާތްތަކުން އެދެމުންދާތީ މިހާރު ޑިސެމްބަރު މަހު އުމްރާއަށް ދިޔުމަށް ހުޅުވާލާފައިވާކަމަށް އެޖަމާއަތުން ބުނެއެވެ. މިހާތަނަށް އައިއިރު 100ށް ވުރެ ގިނަ މީހުން ޑިސެމްބަރު މަހުގެ އުމްރާގައި ދިޔުމަށް ރަޖިސްޓްރީވެފައިވާކަމަށް އެޖަމާއަތުން ބުނެއެވެ.
ޑިސެމްބަރު މަހުގެ އުމްރާއަށް އުހުދު ޙައްޖު އެންޑް އުމްރާ ގްރޫޕް މެދުވެރިކޮށް ދާ ފަރާތްތަކުން ދައްކަން ޖެހޭނީ 29،950 ރުފިޔާއެވެ. މި ދަތުރު ޑިސެމްބަރު މަހުގެ 20 އާއި 25 އާ ދެމެދުގެ ތާރީހެއްގައި އޮންނާނެ ކަމަށް އެ ގްރޫޕުން މައުލޫމާތު ދެއެވެ.
އުހުދު ޙައްޖު އެންޑް އުމްރާ ގްރޫޕް މެދުވެރިކޮށް ޑިސެމްބަރުގެ އުމްރާއަށް ދާން ބޭނުންވާ ފަރާތްތަކަށް 9633991 ނުވަތަ 9903771 އަށް ގުޅައިގެން ރަޖިސްޓްރީ ކުރެވޭނެއެވެ. އެ ގްރޫޕް މެދުވެރިކޮށް ދާ ފަރާތްތަކަށް ދެކޮޅު ޓިކެޓާއި ހުރުމާއި ކެއުމާއި އުމްރާ ވިސާގެ އިތުރުން ޠާއިފް އަދި ޖިއްދާއަށް ދާން ބޭނުންވާ ފަރާތްތަކަށް އެ ފުރުސަތު ވެސް ލިބިގެންދާނެއެވެ.
