ހުކުރު 13 ޑިސެންބަރު 2019
04 މުލަ
1441 ރަބީޢުލްއާޚިރު 16
ފަތިސް 04:45
އިރުއަރާ 06:01
މެންދުރު 12:04
އަސްރު 15:24
މަޣްރިބް 17:58
އިޝާ 19:16
ސިއްހަތު - ބޮލުން ގުޅިފައިވާ ދެބެން

ބޮލުގެ މެދުން ގުޅިފައި ތިބި ދެ ކުދިން ވަކި ކޮށްފި

  • އޮޕަރޭޝަނަށް 11 ގަޑީއިރު ހޭދަވި

ކ. މާލެ 14 ޖޫން 2017 | ބުދަ 21:57 5,350

އުފަންވި އިރު ބޮލުގެ މެދުން ގުޅިފައި ތިބި ދެ އަންހެން ކުދިން - އޭޕީ

ބޮލުގެ މެދުން އުފަންވި އިރު ގުޅިފައި ތިބި ދެ އަންހެން ކުދިން ތިރީސް ޑޮކްޓަރުން ހިމެނެނު ޓީމަކުން ވަކިކޮށްފިއެވެ.

މި ދެކުދިންގެ އޮޕަރޭޝަން ކުރީ އެމެރިކާގެ ޕެންސެލްވީނިއާގެ ކުޑަކުދިންގެ ހޮސްޕިޓަލެއްގައެވެ.

މި ދެކުދިން އުފަންވި އިރު ބޮލުގެ މެދުން ނާށިގަނޑު ގުޅިފައި ހުރުމުގެ އިތުރުން ލޭނާރުތަކާއި، ސިކުނޑީގެ ވަށައިގެން ލެވިފައިވާ ހިމާޔަތުގެ ލޭޔަރުވެސް ހުރީ ގުޅިފައި ކަމަށް ޑޮކްޓަރުން ވަނީ ބުނެފައެވެ.

މި ދެކުދިން ވަކި ކުރި އޮޕަރޭޝަނަށް އެގާރަ ގަޑީއިރު ހޭދަވެފައި ވެއެވެ.

އުމުރުން އަދި ދިހަ މަހުގެ އެރިން އާއި އެބީ މިހާރު ވަނީ އޮޕަރޭޝަނަށް ފަހު އިންޓެންސިވް ކެއަރ ޔުނިޓަށް ބަދަލު ކޮށްފައެވެ. މިއީ ދެކުދިން އުފަންވި ފަހުން ވަކި ދެ އެނދުގައި ބޭއްވި ފުރަތަމަ ފަހަރެވެ.

ދެކުދިން އުފަންވީ ދުވަސް ނުފުރާ ސި×ޒޭރިއަން ސެކްޝަން ހަދައިގެން ކަމަށް ޚަބަރުތަކުގައި ވެއެވެ.

ހޮސްފިޓަލުން ބުނެފައިވަނީ އެ ހޮސްޕިޓަލުން މި ބާވަތުގެ ތޭވީސް އޮޕަރޭޝަން ފާއިތުވި ފަސްދޮޅަސް އަހަރުގެ ތެރޭގައި މީގެ ކުރިން އެ ހޮސްޕިޓަލުގައި ޑޮކްޓަރުން ކޮށްފައިވާ ކަމަށާއި ނަމަވެސް މިއީ ބޮލުގެ މެދުން ގުޅިފައި ތިބި ދެކުދިން ވަކި ކުރުމަށް އޮޕަރޭޝަން ކުރި ފުރަތަމަ ފަހަރު ކަމަށެވެ.

އޮޕަރޭޝަން ކުރީ ޖޫން މަހުގެ 7 ވަނަ ދުވަހުއެވެ.

ޑޮކްޓަރުންގެ ޓީމުގައި އިސްކޮށް ހުރި ޕްލާސްޓިކް ސާޖަން ޑރ. ޖެސީ ޓޭލަރ ބުނެފައިވަނީ އެއްމާބަނޑު ދެބެން ވަކި ކުރުމަށް ކުރެވޭ އޮޕަރޭޝަން ތަކަކީ އުނދަގޫ ކަމެއް ކަމަށާއި، އަދި އޮޕަރޭޝަނަށް ފަހު ގަދަވާން ދުވަސް ނަގާ ކަމެއް ކަމަށެވެ. ނަމަވެސް މި އޮޕަރޭޝަން ކާމިޔާބުވާނެ ކަމަށް ވަރަށް ބޮޑަށް އުއްމީދު ކުރެވޭ ކަމަށްވެސް އޭނާ ބުންޏެވެ.

ދެކުދިންގެ ހާލުވެސް އަންނަނީ ރަނގަޅު ވަމުން ކަމަށް ހޮސްޕިޓަލުން ބުނެއެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: ރާއްޖެ އެމްވީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް