އަންހެނުންގެ ކޮމިޓީ ބައި އިލެކްޝަން: ވަންދޫ ގޮނޑި އެމްއެންޕީއަށް، އައްޑޫ ގޮނޑި ޕީޕީއެމްއަށް
އައްޑޫ ސިޓީ ހިތަދޫ ގޮނޑިއަށް ވޯޓު ލާފައިވަނީ މަދު އިންސައްތައެއް
އަންހެނުންގެ ކޮމިޓީ ކާމިޔާބު ކުރި ދެ ކެންޑިޑޭޓުން
ހޮނިހިރު ދުވަހު ބޭއްވި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ ބައި އިލެކްޝަނުގައި ތ. ވަންދޫ ގޮނޑި އެމްއެންޕީ، އަދި އައްޑޫ ސިޓީ ގޮނޑި ޕީޕީއެމްް އިން ކާމިޔާބުކޮށްފިއެވެ.
މި ދެ ގޮނޑިއަށް ވެސް ދެން ވާދަ ކުރީ އެމްޑީޕީއެވެ. ދެ ބައި އިލެކްޝަން ވެސް އެމްޑީޕީއަށް ވަނީ ނާކާމިޔާބުނެފައެވެ.
ތ. ވަންދޫ އަންހެނުންގެ ކޮމިޓީގެ ބައި އިލެކްޝަންގައި އެމްއެންޕީގެ ފަރާތުން ވާދަ ކުރި ޚަދީޖާ މުޙައްމަދުއަށް 114 ވޯޓު ލިބުނު އިތުރު އެމްޑީޕީން ވާދަ ކުރި ޝިރުމީން އަލީއަށް ލިބުނީ 85 ވޯޓެވެ. މި އިންތިޚާބުގައި ވޯޓު ލާފައިވަނީ ވޯޓު ލުމުގެ ހައްގު ލިބިގެންވާ މީހުންގ 68.12 އިންސައްތަ މީހުންނެވެ.
އައްޑޫ ސިޓީ ހިތަދޫ އަންހެނުންގެ ކޮމިޓީއަށް އެމްޑީޕީން ވާދަ ކުރި އާމިނަތު ޝާހިދާއަށް ލިބުނީ 426 ވޯޓެވެ. ޕީޕީއެމް ގެ ކެނޑިޑޭޓަށް ލިބިފައިވަނީ 567 ވޯޓެވެ.
ހިތަދޫގައި ހޮނިހިރު ދުވަހު ކުރިއަށްދިޔަ އިންތިޚާބުގައި ވޯޓު ލާފައިވަނީ ވޯޓު ލުމުގެ ޙައްގުލިބިގެންވާ މީހުންގެ ވަރަށް ކުޑަ އިންސައްތައެކެވެ. އެގޮތުން، އެ ދާއިރާއަށް ވޯޓު ލާފައިވަނީ ޙައްގު ލިބިގެންވާ މީހުންގެ 8.34 އިންސައްތައެވެ.
