ބުރާސްފަތި ދުވަހު ރެކޯޑު އަދަދަކަށް ޕާސްޕޯޓު ދޫކޮށްފި
ބުރާސްފަތި ދުވަހު 596 ޕާސްޕޯޓް ދޫކޮށްފައިވޭ
މޯލްޑިވްސް އިމިގްރޭޝަން
މޯލްޑިވްސް އިމިގްރޭޝަނުން ބުރާސްފަތި ދުވަހު ރެކޯޑު އަދަދަކަށް ޕާސްޕޯޓު ދޫކޮށްފިއެވެ.
އިމިގްރޭޝަނުން ވަނީ ބުރާސްފަތި ދުވަހުގެ ރޭގެ 12:00 އާ ހަމައަށް ޕާސްޕޯޓު ދޫކޮށްފައެވެ. މި ވަގުތުގެ ތެރޭގައި ޖުމްލަ 596 ޕާސްޕޯޓް ދޫކޮށްފައިވާކަމަށް އިމިގްރޭޝަނުން ބުނެފައިވެއެވެ. އެއީ ބުރާސްފަތި ދުވަހުގެ ހެނދުނު 10:00ގެ ކުރިން ފައިސާ ދައްކާފައިވާ ހުރިހާ ފަރާތްތަކެވެ.
ސްކޫލް ބޮޑު ޗުއްޓީއާއި، އީދު ޗުއްތީއާ ދިމާކޮށް މި ދުވަސްވަރު ޕާސްޕޯޓަށް އޮތް ޑިމާންޑު ވަނީ ވަރަށް ބޮޑުވެފައެވެ. އެއާއެކު އިމިގްރޭޝަނުން ވަނީ މިދިޔަ މަހުގެ މެދުތެރެއިން ފެށިގެން އެއިދާރާގެ މަސައްކަތު ވަގުތުވެސް އިތުރުކޮށްފައެވެ. ރޭގަނޑު 9:30 އާ ހަމައަށް އެ އިދާރާގެ މަސައްކަތު ވަގުތު ވަނީ އިތުރުކޮށްފައެވެ.
އިމިގްރޭޝަނުން ބުނީ މީގެ ކުރިން ދުވާލެއްގެ މައްޗަށް ޕާސްޕޯޓަށް އެދި ހުށަހަޅާނީ 200 އެޕްލިކޭޝަން ކަމަށެވެ. އެހެންނަމަވެސް މިހާރު އެވަރޭޖްކޮށް 800 އެޕްލިކޭޝަން ހުށަހަޅާ ކަމަށް އިމިގްރޭޝަނުން ބުނެފައިވެއެވެ.
