ޔޫވީ ބަލިކޮށް، ޓީސީ ތިނަކަށް!
ޓީސީއާއި ޔޫވީ ޕޮއިންޓްގެ ގޮތުން ހަމަހަމަ
މެޗުގައި ޓީސީގެ ހައިސަމް ރަޝީދު ދެ ގޯލްޖެހި: ފޮޓޯ-އެފްއޭއެމް
ދިވެހި ޕްރިމިއަރ ލީގުގެ ތިންވަނަ ބުރުގެ ފުރަތަމަ މެޗުގައި ޔުނައިޓެޑް ވިކްޓްރީ ބަލިކޮށް, ޓީސީ ތިންވަނައަށް ޖެހިލައިފިއެވެ.
މެޗަށް ނިކުތް އިރު ތިންވަނައިގައި އޮތް ޔުނައިޓެޑް ވިކްޓްރީގެ މައްޗަށް ޓީސީ އިން ކުރި ހޯދީ 3-0 ނެވެ. މެޗުގެ ފުރަތަމަ ހާފްގައި ޓީސީ އިން ދެ ގޯލް ޖެހިއެވެ. ފުރަތަމަ ގޯލް ޖެހީ ޒަޔާން ނަސީރެވެ. 42 ވަނަ މިނިޓްގައި ދެވަނަ ގޯލްޖެހީ ހައިސަމް ރަޝީދެވެ. ދެވަނަ ހާފްގައި ތިންވަނަ ލަނޑު ޖެހީވެސް ހައިސަމް ރަޝީދެވެ. މިމޮޅާއެކު ޓީސީ ތިންވަނައަށް ޖެހިލީ 20 ޕޮއިންޓާއެކުއެވެ. ޔުނައިޓެޑް ވިކްޓްރީވެސް އޮތީ 20 ޕޮއިންޓްގައެވެ. ދެޓީމްގެ ފަރަޤަކީ ފައިދާ ގޯލެވެ. މިނަތީޖާއާއެކު ކުރިން ހަތަރެއްގައި އޮތް ވެލެންސިޔާ ވަނީ ފަސްވަނައަށް ވެއްޓިފައެވެ.
ލީގުގައި ހުކުރު ދުވަހުގެރޭ ވާދަކުރާނީ ކްލަބް އީގަލްސްއާއި ދަ ގްރާންޑޭއެވެ.
