ހުޅުމާލެއިން އަންހެނަކު ގެއްލިގެން ހޯދަނީ
ގެއްލިގެން ހޯދަނީ ޅ. ނައިފަރު / ލޮޓަސްމާގެ، ޝިއުނީ ހުސައިން ސިޔާނު
ގެއްލިގެން ހޯދަމުން އަންނަ ޝިއުނީ
ހުޅުމާލެއިން ވީނުވީއެއް ނޭނގި އަންހެނަކު ގެއްލިގެން ހޯދަންފަށައިފިއެވެ.
ބުދަ ދުވަހު ފުލުހުން ބުނީ, ގެއްލިގެން ހޯދަނީ އުމުރުން 18 އަހަރުގެ ޅ. ނައިފަރު / ލޮޓަސްމާގެ، ޝިއުނީ ހުސައިން ސިޔާނު ކަމަށެވެ. އޭނާ ގެއްލުނު ރިޕޯޓް ލިބުމާއެކު ހޯދުމުގެ މަސައްކަތް ކުރަމުން އަންނަ ކަމަށް ވެސް ފުލުހުން ބުންޏެވެ.
ފުލުހުން ބުނެފައިވާ ގޮތުގައި ޝިއުނީއަށް ވީނުވީއެއް ނޭނގި އާއިލާއަށް އެއްވެސް ޚަބަރެއް ނުވެގެން އާއިލާގެ ފަރާތުން ފުލުހުންނަށް ރިޕޯޓްކުރީ ޖޫން މަހުގެ 24 ވަނަ ދުވަހުގެ ވަގުތެއްގައެވެ. މިކަން ރިޕޯޓްކުރުމާގުޅިގެން އެއަންހެން މީހާ ހޯދުމުގެ މަސައްކަތް ކުރަމުންދާއިރު، މިހާތަނަށް ކުރެވެނު މަސައްކަތުން ހޯދިފައިނުވާކަމަށް ފުލުހުން ބުންޏެވެ.
ޝިއުނީއާ ބެހޭ އެއްވެސް މައުލޫމާތެއް ލިބިފައިވާނަމަ ލަސްނުކޮށް އެ މައުލޫމާތު ފުލުހުންގެ ހޮޓްލައިން ނަންބަރު 3322111ށް ނުވަތަ ހުޅުމާލެ ޕޮލިސްގެ ނަންބަރު 9980062ށް ގުޅައި ހިއްސާކުރުމަށް ފުލުހުން އެދެއެވެ.
