ކ. މާލެ
|
12 ޖޫން 2017 | ހޯމަ 21:23
ސަލްމާން ރަސްގެފާނު އަދި ބޮޑުވަޒީރު ނަވާޒް ޝަރީފް އިސްލާމް އާބާދުގައި (ފައިލް)
ސަލްމާން ރަސްގެފާނު އަދި ބޮޑުވަޒީރު ނަވާޒް ޝަރީފް އިސްލާމް އާބާދުގައި (ފައިލް)
އޭއެފްޕީ
ގަތަރުގެ މައްސަލަ
ގަތަރާ މެދު އުފެދިފައިވާ ދެބަސްވުންތައް ހައްލު ކުރެއްވޭތޯ ނަވާޒް ޝަރީފް ސައުދީއަށް
 
ޕާކިސްތާނަކީ ގަތަރާވެސް ގާތްގުޅުއްމެއް ބާއްވާ ގައުމެއް
 
ނަވާޒް ޝަރީފް ސައުދީގެ އިސްވެރިންނާ ބައްދަލު ކުރައްވާ މަޝްވަރާ ކުރައްވާނެ

ޕާކިސްތާނުގެ ބޮޑުވަޒީރު ނަވާޒް ޝަރީފް ސައުދީ އަރަބިއްޔާއަށް ކުރައްވާ ދަތުރުފުޅެއް ހޯމަ ދުވަހު ފައްޓަވައިފިއެވެ.

ނަވާޒް ޝަރީފް ސައުދީ އަރަބިއްޔާއަށް ކުރައްވާ ދަތުރުފުޅަކީ ގަތަރާއި ގަލްފްގެ ބައެއް ގައުމުތަކާ ދެމެދު އުފެދިފައިވާ ހަމަނުޖެހުންތަކާ ގުޅިގެން ކުރައްވާ ދަތުރުފުޅެއް ކަމަށް މީޑިއާ ރިޕޯޓްތައް ބުނެއެވެ.

ޑޯން ނިއުސް އިން ބުނެފައިވާ ގޮތުގައި ޝަރީފްގެ މި ދަތުރުފުޅުގައި ސައުދީ އަރަބިއްޔާގެ ވެރިންނާ ބައްދަލު ކުރައްވާނެއެވެ.

ދަތުރުފުޅުގެ ކުރިން ބޮޑުވަޒީރު ޝަރީފްވަނީ މައްސަލަ ހައްލު ކުރުމާ ގުޅޭ ގޮތުން ޕާކިސްތާނުގެ ކަމާ ބެހޭ އިސް އޮފިޝަލުންނާ މަޝްވަރާ ކުރައްވާފައެވެ.

ދާދިފަހުން ނަވާޒް ޝަރީފް ކަޒަކްސްތާނަށް ކުރެއްވި ދަތުރުފުޅެއްގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ވިދާޅުވީ، ޕާކިސްތާނަކީ ސައުދީ އަރަބިއްޔާ އާއި އީރާން އަދި ގަތަރާ ވެސް ގާތް ގުޅުމެއް އޮންނަ ގައުމަކަށް ވުމާއެކު، ގަލްފްގައި ހުރި ދެބަސްވުންތައް ހައްލު ކުރުމަށް ކުރެވެން ހުރިހާ މަސައްކަތްތަކެއް ޕާކިސްތާނުން ކުރައްވާނެ ކަމަށް ވިދާޅުވެފައެވެ.

ހަމަނުޖެހުން އުފެދިފައިވާ މިދަނޑިވަޅުގައި ޕާކިސްތާނުގެ ސިފައިން ގަތަރައް ފޮނުވާ ވާހަކަ ބައެއް މީޑިއާތަކުން ރިޕޯޓުކޮށްފައި އޮތް އޮތުމާ ބެހޭ ގޮތުން ޕާކިސްތާނުން ބުނެފައިވަނީ އެއީ ހަގީގަތެއް ނެތް ވާހަކައެއް ކަމަށެވެ.

ގަތަރު އެކަހަރި ކުރުމަށް ގަލްފްގެ ތިން ގައުމަކުން އިސްވެ އަޅާފައިވާ ފިޔަވަޅު ތަކުގެ ސަބަބުން މަސްރަހް އިތުރަށް ގޯސްވަމުން ދިއުމާއި ގުޅިގެން އެމެރިކާގެ ޚާރިޖީ ވަޒީރު ރެކްސް ޓިލާސަން އާއި ރަޝިޔާގެ ޚަރިޖީ ވަޒީރު ސަރުގޭ ލަވްރޯވް ވަނީ މައްސަލަ ހައްލު ކުރުމަށް ވާހަކަތައް ފެށުމަށް ގޮވާލައްވާފައެވެ.

އެމެރިކާ، ރަޝިޔާ އަދި އިނގިރޭސި ވިލާތުންވެސް ވަނީ  މައްސަލަ ހައްލު ކުރުމަށް ހުރިހާ ފަރާތަކުން މަޝްވަރާ ކުރުމަށް ގޮވާލާފައެވެ.

ހުސްވި ހަފްތާގެ ހޯމަ ދުވަހު، މިސްރާއި ޔުނައިޓެޑް އެރަބް އެމިރޭޓްސް އާއި ބަހްރޭން އަދި ބައެއް އެހެން ގައުމުތަކުން ކުއްލި ގޮތަކަށް ގަތަރާ ގުޅުން ކަނޑާލީ ގަތަރުން ޓެރަރިޒަމަށް ވާގިވެރިވާ ކަމަށް ތުހުމަތު ކޮށްފައެވެ.

ގަތަރުން ގެންދަނީ މި ތުހުމަތު ތަކަށް އިންކާރު ކުރަމުންނެވެ.

ގަތަރަށް ދަތި ކުރުމުގެ ގޮތުން ގަލްފްގެ އަރަބި ގައުމުތަކުންވަނީ އެއްގަމާއި، ކަނޑާއި ވައިގެ މަގުތައް ބަންދުކޮށްފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ދެލިކޮޕީ
0%
0%
0%
0%
0%
0%
ކޮމެންޓް
ގުޅުންހުރި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި
ގެދޮރުވެރިކަމަށް ބޭނުންޖެހިފައިވާ ދިވެހި ސިފައިންނަށް ގެދޮރުވެރިކަން ޔަގީންކޮށްދޭނަން: ރައީސް މުއިއްޒު