ވ. ރަކީދޫ ގޮނޑުދޮށް ހިމާޔަތް ކުރުމުގެ މަސައްކަތް ނިންމާލައިފިއެވެ.

މި މަސައްކަތް ސަރުކާރުން ހަވާލު ކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އާއެވެ. އެ ކުންފުނިން މި މަސައްކަތް ނިންމާފައިވަނީ 25 މެއި 2022ގައެވެ.

މި މަޝްރޫއުގެ ދަށުން އެމްޓީސީސީ އިން ވަނީ 40 މީޓަރުގެ ސަރަހައްދެއްގައި ގްރޮއިންސް ޖަހައި 200 މީޓަރުގެ ސަރަހައްދެއްގައި ބޭރު ތޮށި ލާފައެވެ. އަދި އެ ރަށުގައި ފަތާ ސަރަހައްދެއް ގާއިމް ކުރަން 560 ކިއުބިކް މީޓަރުގެ ސަރަހައްދެއް ފުން ކުރުމާއި 20 މީޓަރުގެ ސަރަހައްދެއްގައި ގްރޮއިންސް ޖެހުމާއި 25 މީޓަރުގެ ސަރަހައްދެއްގައި ރިވެޓްމަންޓް ޖެހުމުގެ މަސައްކަތް ވެސް އެމްޓީސީސީން ވަނީ ކޮށްފައެވެ.

މިނިސްޓްރިީ އޮފް ނޭޝަނަލް ޕްލޭނިން، ހައުސިންގ އެންޑް އިންފްރާ ސްޓްރަކްޗާއިން އެމްޓީސީސީއާ މި މަޝްރޫއު ހަވާލު ކުރީ 10.1 މިލިއަން ރުފިޔާއަށެވެ.