ކ. މާލެ
|
1 ޖޫން 2022 | ބުދަ 16:38
އިޓަލީގެ ޑިފެންޑަރު ޖޯޖިއޯ ކިއެލީނީ
އިޓަލީގެ ޑިފެންޑަރު ޖޯޖިއޯ ކިއެލީނީ
ގެޓީ އިމޭޖަސް
ފައިނަލިސިމާ މެޗު
ހޯދުނު ކާމިޔާބީތަކާމެދު އުފާކުރަން: ކިއެލީނީ
 
މިރޭގެ މެޗަކީ އިޓަލީގެ ގައުމީ ޓީމަށް ކިއެލީނީ ކުޅޭނެ 117 ވަނަ މެޗު

އިޓަލީގެ ގައުމީ ޓީމާއެކު ހޯދުނު ކާމިޔާބީތަކާމެދު އުފާވެ، ފަހުރުވެރިވާ ކަމަށް އެޓީމުގެ ތަޖުރިބާކާރު ޑިފެންޑަރު ޖިއޮޖިއޯ ކިއެލީނީ ބުނެފިއެވެ.

އިންގްލެންޑުގެ ވެމްބްލީ ސްޓޭޑިއަމްގައި މިރޭ އޮންނަ "ފައިނަލިސިމާ" މެޗަކީ އިޓަލީގެ ގައުމީ ޓީމަށް ކިއެލީނީ ކުޅޭނެ 117 ވަނަ މެޗެވެ. އަދި މިއީ އޭނާ އިޓަލީއަށް ކުޅޭނެ ފަހު މެޗުވެސްމެއެވެ. މިރޭގެ މެޗަށްފަހު ގައުމީ ޓީމަށް ކުޅުން ހުއްޓާލުމަށް ކިއެލީނީ ނިންމާފައި ވާއިރު، އޭނާ ބޭނުންވަނީ މިރޭގެ މެޗު ކާމިޔާބުކޮށް ތަށްޓަކާއެކު އިންޓަރނޭޝަނަލް ފުޓްބޯޅަ ކެރިއަރު ނިންމާލާށެވެ. މިރޭގެ މެޗު އޭނާއަށް ޚާއްސަވާ ސަބަބަކީ މިއީއެވެ.

ކިއެލީނީ ބުނީ މެސީ ފަދަ މޮޅު ކެޕްޓަނަކާ ދެކޮޅަށް އޭނާގެ އެންމެ ފަހު މެޗު ކުޅެ، ކެރިއަރު ނިންމާލަން ލިބުމުން އުފާ ކުރާ ކަމަށެވެ. އަދި މިފަދަ ޚާއްސަ މެޗެއްގައި އާޖެންޓީނާ އާއި ދެކޮޅަށް ކުޅެން ލިބުމަކީ ޚާއްސަ ކަމެއްގެ ގޮތުގައި ކިއެލީނީ ފާހަގަ ކުރިއެވެ.

ރާއްޖެ ގަޑިން 23:45 ގައި އޮންނަ ފައިނަލިސިމާ މެޗުގައި ބައްދަލުކުރާނީ ކޮޕަ އެމެރިކާގެ ޗެމްޕިއަން އާޖެންޓީނާއާ ޔޫރޯގެ ޗެމްޕިއަން އިޓަލީއެވެ. ޔޫރޯ 2020 އިޓަލީއަށް ކާމިޔާބު ކޮށްދިނުމުގައިވެސް ކިއެލީނީ ވަނީ މުހިންމު ދައުރެއް އަދާކޮށްފައެވެ.

އާޖެންޓީނާއިން ވަނީ އެންމެ ފަހުން އިޓަލީއާ ދެކޮޅަށް އިންގްލެންޑްގައި ކުޅުނު މެޗުން މޮޅުވެފަ އެވެ. އިއްތިހާދު ސްޓޭޑިއަމްގައި 2018 ވަނަ އަހަރުގެ މާޗް މަހު ކުޅުނު މެޗުން އާޖެންޓީނާ މޮޅުވީ 2-0 އިންނެވެ. އިޓަލީ އެންމެ ފަހުން އާޖެންޓީނާ އަތުން މޮޅުވީ މީގެ 35 އަހަރު ކުރިންނެވެ. އެއީ 1987 ވަނަ އަހަރު، ކުޅުނު އެކުވެރިކަމުގެ މެޗެއްގައި 3-1 އިން އިޓަލީ މޮޅުވި ފަހަރެވެ.

Advertisement
އެންމެ ފަހުން އަޕްޑޭޓް ކުރީ: 6 ދުވަަސް ކުރިން
ރިވިއު ކުރީ: ފާޠިމަތު ޒުހައިރާ
0%
0%
0%
0%
0%
0%
ކޮމެންޓް