ކުނިވެފައި ހުންނަ ކުކުޅު ބިސް ވިއްކާކަމުގެ ޝަކުވާ ލިބެމުންދާ ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ބުނެފިއެވެ.
އެމްއެފްޑީއޭއިން ނެރުނު ނޫސްބަޔާނެއްގައި ބުނެފައިވަނީ މާލޭ ފިހާރަތަކުން ވިއްކާ ބިސް ކުނިވެފައި ހުންނަކަމުގެ ޝަކުވާ އެ އޮތޯރިޓީއަށް ލިބެމުންދާ ކަމަށެވެ.
އެކަމުގެ ސަބަބުން އާއްމު ސިއްހަތަށް ނޭދެވޭ އަސަރު ކުރުމާއި ކާބޯތަކެތީގެ ޒަރިއްޔާއިން ޖެހޭ ބަލިތައް ފެތުރުން ފަދަ ނުރައްކާތެރި ހާލަތެއް ކުރިމަތި ވެދާނެ ކަމުގެ ފުރުސަތު އެބައޮތް ކަމަށް އެ އޮތޯރިޓީން ބުނެއެވެ.
ފިނިކޮށްފައި ހުންނަ ބިސް ރައްކާތެރިކަމާއެކު ބެހެއްޓޭނީ ގިނަވެގެން ތިން މަސް ދުވަހު ކަމަށާއި ފިނި ނުކޮށް ހުންނަ ބިސް ބެހެއްޓޭނީ 28 ދުވަހުގެ މުއްދަތަށް ކަން ފާހަގަކޮށް، އޮތޯރިޓީން ބުނީ، މުއްދަތު ހަމަވާ ތާރީޚު ހަމަވުމުން، ބިސް ކުނިވުމުގެ ފުރުސަތު އޮންނަ ކަމަށެވެ.
އެހެންކަމުން، ބިސް ވިއްކަން ބަހައްޓާއިރު، ރައްކާކުރުމަށް ކަނޑައަޅާފައިވާ ފިނިހޫނުމިން ކޮންޓްރޯލް ކުރުމަށާއި ބިސް ގަންނަ ފަރާތްތަކުން ބިހުގެ މުއްދަތު ހަަމަވާ ތާރީޚަށް ޚާއްސަ ސަމާލުކަމެއް ދިނުމަށް ވަނީ އެދިފައެވެ.
