ކުޅުދުއްފުށީގައި ފުޓްބޯޅަ ކުޅެން ހުރި މީހަކު ކުއްލިގޮތަކަށް މަރުވެއްޖެ
22 މެއި 2022 | އާދީއްތަ 16:17ފުޓްބޯޅަ ކުޅެން ހުއްޓައި މަރުވީ އުމުރުން 49 އަހަރުގެ މުހައްމަދު ހަސަން
ފުޓްބޯޅަ ކުޅެން ހުއްޓާ މަރުވި މުހައްމަދު
ކުޅުދުއްފުށީގައި ފުޓްބޯޅަ ކުޅެން ހުއްޓައި ކުއްލި ގޮތަކަށް މީހަކު މަރުވެއްޖެއެވެ.
"ރާއްޖެ އެމްވީ"އަށް މައުލޫމާތުލިބިފައިވާ ގޮތުގައި، މަރުވެފައިވަނީ އެރަށު ހޮސްޕިޓަލުގެ ލެބޯޓްރީ ޓެކްނީޝަނެއްގެ ގޮތުގައި މަސައްކަތްކުރަމުން އައި އުމުރުން 49 އަހަރުގެ މުހައްމަދު ހަސަން (ސެންޓަރު މުހައްމަދު)އެވެ. އޭނާ މަރުވީ ފުޓްބޯޅަ ކުޅެން ހުއްޓައި ކުއްލިއަކަށް ވެއްޓިފައި ކަމަށާއި، މަރުވީ ހާރޓްއެޓޭކަކުން ކަމަށް ލަފާކުރެވޭކަމަށް މައުލޫމާތު ލިބެއެވެ.
މުހައްމަދު ވެއްޓުމުން އެވަގުތު އެތަނުގައި ހުރި ޑޮކްޓަރެއްވެސް އޭނާ ބެލިއެވެ. އަދި އޭނާގެ ވިންދު ނެތްކަން އެނގުމުން ވަގުތުން ހޮސްޕިޓަލަށް ގެންގޮސްފައިވާކަމަށް ވެސް މައުލޫމާތު ލިބެއެވެ.
މުހައްމަދުއަކީ ކުޅުދުއްފުށީ ރީޖަނަލް ހޮސްޕިޓަލަށް ގިނަ ދުވަހު ޚިދުމަތްކޮށްދީފައިވާ ފަރާތެކެވެ.
މައުލޫމާތު ލިބިފައިވާ ގޮތުގައި، މުހައްމަދުގެ ބައްޕަވެސް މަރުވީ ވަރަށް ފަހުންނެވެ. އޭނާވެސް މަރުވީ ހާރޓްއެޓޭކެއް ޖެހިގެން ކަމަށް މައުލޫމާތު ލިބެއެވެ.
