ދިގުރަށުގެ މިސްކިތް އިމާރާތް ކުރުމުގެ މަސައްކަތް ފަށައިފި

އދ. ދިގުރަށުގައި އިމާރާތް ކުރާ މިސްކިތުގެ އަމަލީ މަސައްކަތް ފަށައިފިއެވެ.

އަންގާރަ ދުވަހު ބޭއްވި ރަސްމިއްޔާތެއްގައި މި މަސައްކަތް ފައްޓަވައިދެއްވީ އިސްލާމިކް މިނިސްޓަރ ޑރ. އަހުމަދު ޒާހިރު އަލީ އާއި ދިގުރަށު ކައުންސިލް ރައީސް އިބްރާހިމް އުސްމާނެވެ. މި ރަސްމިއްޔާތުގައި މިނިސްޓްރީގެ އިސްވެރިންނާއި ކައުންސިލް މެމްބަރުން ބައިވެރިވެވަޑައިގެންނެވިއެވެ.

އިސްލާމިކް މިނިސްޓްރީއިން މި މިސްކިތް އިމާރާތް ކުރަން ސޮއިކުރީ 2022 ފެބްރުއަރީ 6 ގައެވެ. އެ މިސްކިތުގެ މަސައްކަތް ހަވާލުކޮށްފައިވަނީ އެއް އަހަރު ދުވަހުގެ ތެރޭގައި ނިންމާ ގޮތަށެވެ. އެގޮތުން މިސްކިތް ނިންމުމުގެ އެންމެ ފަހުގެ ތާރީޚަކީ 2023 އޭޕްރިލް 28 ކަމަށް އިސްލާމިކް މިނިސްޓްރީއިން ބުނެއެވެ.

މި މިސްކިތުގެ މަސައްކަތް 7.3 މިލިއަން ރުފިޔާއަށް އިސްލާމިކް މިނިސްޓްރީއިން ހަވާލުކޮށްފައިވަނީ އަލާފް ކޮންސްޓްރަކްޝަން ޕްރައިވެޓް ލިމިޓެޑާއެވެ. މި މިސްކިތަކީ 300 މީހުންގެ ޖާގައިގެ މިސްކިތެކެވެ.