މާލެ ސިޓީިގެ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި އިލެކްޝަން އިދިކޮޅު ޕީޕީއެމްއިން ކާމިޔާބުކޮށްފިއެވެ.
މި އިންތިޚާބުގައި ފާތިމަތު ނާޒިމާ ވަނީ 359 ވޯޓް ހޯދައިފައެވެ. ޝީޒާއަށް ލިބުނީ 353 ވޯޓެވެ.
ޕީޕީއެމްގެ ކެނޑިޑޭޓް ފާތިމަތު ނާޒިމާ މި އިންތިޚާބު ކާމިޔާބުކުރީ އެމްއެންޕީގެ ކެނޑިޑޭޓް އާމިނަތު ޝީޒާގެ މައްޗަށް ކުރިހޯދައިގެންނެވެ.
މި އިންތިޚާބުގައި އެމްޑީޕީން ވާދަކޮށްފައެއް ނުވެއެވެ. އޭގެ ބަދަލުގައި އެ ޕާޓީން ތާއީދުކޮށްފައިވަނީ އެމްއެންޕީގެ ކެނޑިޑޭޓަށެވެ.
މާލެ ސިޓީ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ވިލިމާލެ ތަމްސީލްކުރާ ގޮނޑި ހުސްވީ އެ ގޮނޑި ފުރަމުން ގެންދިޔަ އާމިނަތު އީމާން ނިޔާވުމާ ގުޅިގެންނެވެ.
މި އިންތިޚާބުގެ އެއްވެސް ވޯޓް ފޮއްޓެއް މާލެއާއި ހުޅުމާލޭގައި ބަހައްޓާފައެއް ނުވެއެވެ.
