އެއް އާއިލާއެއްގެ ހަ ކުއްޖަކަށް ގޯނާކުރި ކަމަށް ބުނާ މީހާ ދޫކޮށްލި މައްސަލަ މާދަމާ ހައިކޯޓަށް ހުށައަޅަނީ
އެ މައްސަލަ ފުލުހުން ދަނީ އިތުރަށް ތަހުގީގު ކުރަމުން
ކްރިމިނަލް ކޯޓް - ކޯޓުން އޭނާ ވަނީ ދޫކޮށްލާފައި
އެއް އާއިލާއެއްގެ ހަ ކުއްޖަކަށް ގޯނާކުރި ކަމަށް ބުނާ މީހާ ދޫކޮށްލި މައްސަލަ ބުދަ ދުވަހު ހައިކޯޓަށް ހުށައެޅުމަށް ނިންމައިފިއެވެ.
އެމީހާ ޖިންސީ ގޯނާ ކޮށްފައިވަނީ އެކި ދުވަސް މަތިން އެއް އާއިލާއަކަށް ނިސްބަތްވާ ހަ ކުޑަކުއްޖަކަށް ކަމަށާއި، އެމީހާއަކީ ވެސް އެ އާއިލާއަށް ނިސްބަތްވާ މީހެއްކަމަށް ވަނީ މައުލޫމާތު ލިބިފައެވެ. އޭނާއަކީ އުމުރުން 55 އަހަރުގެ ފިރިހެނެކެވެ.
އެ މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
އޭނާގެ ބަންދުގެ މުއްދަތު އިތުރުކުރުމަށް ކްރިމިނަލް ކޯޓަށް ހާޒިރުކުރުމުން، އޭނާ ބަންދުން ދޫކޮށްލާފައިވާކަމަށް ފުލުހުން މައުލޫމާތު ދެއެވެ. އެކަމާ ގުޅޭގޮތުން ރާއްޖެއެމްވީއާ ވާހަކަ ދައްކަވަމުން ޕީޖީ އޮފީހުގެ މީޑިއާ އޮފިޝަލު ވިދާޅުވީ، އޭނާ ދޫކޮށްލުމަށް ނިންމި ނިންމުން، ބުދަ ދުވަހު ހައިކޯޓުގައި އިސްތިއުނާފު ކުރައްވާނެ ކަމަށެވެ.
ކްރިމިނަލް ކޯޓުން ކުރިން އޭނާގެ ބަންދަށް 30 ދުވަސް ދިނެވެ. ނަމަވެސް ބަންދު އިތުރު ކޮށްދިނުމަށް ހުށައެޅުމުން މިވަނީ ދޫކޮށްލާފައެވެ.
