ރާއްޖޭގައި މިއަދު ފެށި ސައުތު އޭޝިޔަން ޖޫނިއަރ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕްގައި ރާއްޖޭގެ އަންހެން ޖޫނިއަރ ޓީމު މުބާރާތުގެ ސެމީ ފައިނަލަށް ދަތުރުކޮށްފިއެވެ.

ސެމީގެ ޖާގައެއް ރާއްޖެ ޓީމުން ކަށަވަރުކުރީ ދެވަނަ މެޗުގައި ނޭޕާލް ބަލިކޮށްގެންނެވެ. މި މެޗުގެ ފުރަތަމަ ގޭމުގައި ނޭޕާލްގެ ވިޔަންކާއާ ވާދަކޮށް ރާއްޖޭގެ ދީމާ 3-1 ސެޓުންނެވެ. ފުރަތަމަ ސެޓު 11-9 ން ދީމާ ކާމިޔާބުކޮށްފައި ވަނިކޮސް ދެވަނަ ސެޓު ވިޔަންކާ ވަނީ ފަހަތުން އަރާ 12-10 ން ކާމިޔާބުކޮށްފައެވެ. ފަހު ދެސެޓު ދީމާ ކާމިޔާބުކުރީ 11-8 އަދި 12-10 ންނެވެ.

ދެވަނަ ގޭމުގައި ރަފާ ނޭޕާލްގެ އިވާނާ އާއި ވާދަކޮށް ރަފާ ގޭމް ކާމިޔާބުކުރީ ސީދާ ތިން ސެޓުންނެވެ. އަދި ފަހު ގޭމުގައި ރާއްޖޭގެ މިޝްކާ ވަނީ ފަހަތުން އަރާ ނޭޕާލްގެ ޝުޖަން ބަލިކޮށްފައެވެ. ފުރަތަމަ ސެޓު ޝުޖަން ކާމިޔާބުކުރީ 11-9 ންނެވެ. ނަމަވެސް މިޝްކާ ވަނީ 13-11 ން ދެވަނަ ސެޓު ކާމިޔާބުކޮށްފައެވެ. އަދި ފަހު ދެސެޓުވެސް އޭނާ ކާމިޔާބުކުރީ 11-5 ންނެވެ.

މުބާރާތުގެ ފުރަތަމަ މެޗުގައި ޕާކިސްތަނާއި ބައްދަލުކޮށް ރާއްޖެ ވަނީ 3-1 ގޭމުން މެޗު ކާމިޔާބުކޮށްފައެވެ. ފުރަތަމަ ދެގޭމު ރާއްޖެއިން ކާމިޔާބުކުރީ ދީމާ އާއި ރަފާ ކުޅެގެންނެވެ. ނަމަވެސް ތިންވަނަ މެޗުގައި ޕާކިސްތާނުގެ ކުލްސުމް ވަނީ ރާއްޖޭގެ މިޝްކާގެ މައްޗަށް ކުރި ހޯދާފައެވެ. ހަތަރު ގޭމު ކާމިޔާބުކޮށް ރާއްޖެ މެޗުން މޮޅުކޮށްދިނީ ދީމާއެވެ.