އެތްލެޓިކޯއިން ޗެމްޕިއަން ރެއާލް ބަލިކޮށްފި

އެތްލެޓިކޯ މެޑްރިޑުން ސްޕެއިންގެ ޗެމްޕިއަން ރެއާލް މެޑްރިޑް ބަލިކޮށްފިއެވެ. ލަލީގާގެ ޗެމްޕިއަންކަން ކަށަވަރުކުރުމަށްފަހު ޗެމްޕިއަންސްލީގުގެ ފައިނަލުންވެސް ޖާގަ ހޯދި ރެއާލް މެޑްރިޑްގެ މައްޗަށް އެތްލެޓިކޯ މެޑްރިޑުން ކުރި ހޯދީ 1-0 ނެވެ.

ގިނަ ބަދަލުތަކަކާއެކު ނިކުތް ރެއާލް މެޑްރިޑް ކޮޅަށް މެޗުގެ ހަމައެކަނި ލަނޑު ޖެހީ ކަރަސްކޯއެވެ. އޭނާ ލަނޑު ޖެހީ ފުރަތަމަ ހާފްގެ 40 ވަނަ މިނިޓްގައި ލިބުނު ޕެނަލްޓީއަކުންނެވެ. މެޗަށް ރެއާލް ނިކުތީ ޗެމްޕިއަންސްލީގު ފައިނަލަށް ދަތުރުކުރަން މެންޗެސްޓަރ ސިޓީ ބަލިކުރި މެޗުގެ ފުރަތަމަ އެގާރައަށް ހަތް ބަދަލެއް ގެނެސްގެންނެވެ.

މިމޮޅާއެކު އެތްލެޓިކޯ މެޑްރިޑް ތާވަލްގެ ހަތަރު ވަނާގައި އޮތީ ފަސްވަނާގައި އޮތް ރެއާލް ބެޓިސްއަށްވުރެ ހަ ޕޮއިންޓް އިތުރަށް ހޯދައިގެންނެވެ. އެތްލެޓިކޯ އޮތީ ޗެމްޕިއަންސްލީގުގެ ޖާގައަކާ ގާތުގައެވެ. މިސީޒަންގައި ރެއާލް މިހާރު ތައްޔާރުވަނީ މިމަހުގެ 28 ވަނަ ދުވަހު ކުޅޭ ޗެމްޕިއަންސްލީގު ފައިނަލަށެވެ. ލިވަޕޫލާ ދެކޮޅަށް ފައިނަލަށް ނިކުތުމުގެ ކުރިން ލީގުގައި ރެއާލް އަދި ތިން މެޗު ކުޅޭނެއެވެ.