މެމްބަރު ސައުދުގެ މައްޗަށް ތުހްމަތުކުރީ ފަނޑިޔާރު ޝުޖާއު އަވަހާރަ ކޮށްލަން އުޅުމުގެ ތުހަމަތު!
ފުލުހަށް ހާޒިރުވެފައިވަނީ ބުރާސްފަތި ދުވަހުގެ ރޭ 8:30 އަށް
ވިލިނގިލީ ދާއިރާގެ މެމްބަރު ސައުދު
ވިލިނގިލީ ދާއިރާގެ މެމްބަރު ސައުދު ހުސެއިންގެ މައްޗަށް ފުލުހުން ތުހްމަތުކުރީ ހައި ކޯޓުގެ ފަނޑިޔާރު ޝުޖާއު އުސްމާން އަވަހާރަކޮށްލަން އުޅުނު މައްސަލައެއް ތުހްމަތު ކަމަށް އޭނާ ވިދާޅުވެއްޖެ އެވެ.
. މި މައްސަލައިގެ ތުހްމަތުގައި ސައުދު ޕޮލިހަށް ހާޒިރުކުރީ ބުރާސްފަތި ދުވަހުގެ ރޭ 8:30 ހާއިރު އެވެ. ތަހްގީގަށް ފަހު އޭނާ ދޫކޮށްލީ ގާތްގަނޑަކަށް 11:15 ހާއިރު އެވެ.
ސައުދު ވިދާޅުވި ގޮތުުގައި އޭނާގެ މައްޗަށް ފުލުހުން ކުރި ތުހްމަތަށް އިންކާރުކޮށްފައިވާ ކަަމަށެވެ.
"އަޅުގަނޑުމީ އެކަހަލަ ކަމެއް ކުރާނެ އަދި ކުރުމަށް ހިތަށް އަރާނެ ކަމެއް ވެސް ނޫން،" އޭނާ ވިދާޅުވި އެވެ.
މި މައްސަލައިގައި އެޑިޔުކޭޝަން މިނިސްޓްރީގެ ސީނިއާ ޕޮލިސީ އެގްޒެކެޓިވް އިބްރާހީމް ހަނީފް ވަނީ ހައްޔަރުކޮށްފަ އެވެ. .
އައްޑޫ މީދޫގައި ހުންނަ ހައި ކޯޓުގެ ދެކުނު ގޮފީގައި މަސައްކަތް ކުރައްވަނިކޮށް ފަނޑިޔާރު ޝުޖާއު ދާދި ފަހުން މާލެ އަށް ގެނައީ ވެސް އޭނާ އަވަހާރަކޮށްލަން ބަޔަކު ރޭވި މައްސަލައާ ގުޅިގެން ކަމަށް ވެ އެވެ.
އެނގިފައިވާ ގޮތުގައި ޝުޖާއު އަށް ހަމަލާ ދޭން އުޅުނު މައްސަލައެއް ފެންމަތިވީ، ބަޔަކު އެކަމަށް ރާވައިގެން ދެއްކި ވާހަކަތަކެއްގެ އޯޑިއޯ ރެކޯޑިންއެއް ލީކުވުމާ ގުޅިގެންނެވެ
