ރާއްޖެޓީވީގެ ހަވީރު ގަޑީގެ ޕްރޮގްރާމުގެ ނަސީބުވެރިންނަށް އަގުހުރި އިނާމުތަކެއް

ރަމަޟާން މަހާ ދިމާކޮށް ރާއްޖެޓީވީން ކުރިއަށް ގެންދިޔަ ހަވީރު ގަޑީގެ ޕްރޮގްރާމްގެ އެންމެ ފަހު ނަސީބުވެރިޔާ ހޮވައިފިއެވެ.

މި ޕްރޮގްރާމުގައި ގުރުއަތުން ހޮވުނު ނަސީބުވެރި ތިން ފަރާތަކަށް ވަރަށް އަގުހުރި އިނާމްތަކެއް ވަނީ ހަވާލުކޮށްފައެވެ. އެގޮތުން ފުރަތަމަ ނަސީބުވެރި ފަރާތައް ލިބުނީ އެމީހެއްގެ ގެއެއްގެ އިންޓީރިއާގެ މަސައްކަތް ޕްރޮކްސީ އިން ކުރިއަށް ގެންދާ ގޮތަށެވެ. އަދި އެމީހުންގެ ޚަރަދުގައި ވޯލްޕޭޕާ، ފްލޯރިންގެ އިތުރުން ރަގް ވެސް ފޯރުކޮށްދިނުމަށް ވަނީ ނިންމާފައެވެ. ދެވަނަ ނަސީބުރިޔާއަށް ވެލިގާ ހާޑް ވެއާއިންދޭ ޒަމާނީ ފާހާނާއަށް ބޭނުންވާ ސާމާނު ލިބިގެންދާނެއެވެ. ތިން ވަނަ ނަސީބުވެރި ފަރާތައް ލިބުނީ މެކްސްކޮމް ޓެކްނޮލޮޖީގެ ފަރާތުން ހަވާލުކުރާ ފޯނެކެވެ.

ޕްރޮކްސީގެ އިންޓީރީޔާ ހެދުމަށް ނަސީބުވެރި ފަރާތަކަށް ހޮވިފައިވަނީ ހައްވާ ސާޖިދާ، ސޯސަންވިލާ ދ.ބަނޑިދޫ އެވެ. ވެލިގާ ހާޑް ވެއާގެ ނަސީބުވެރި ފަރާތަށް ހޮވިފައިވަނީ އަބްދުﷲ ވަހީދު އިދްރީސް، މާރެހި ލ.ގަން އެވެ. އަދި މެކްސްކޮމް ޓެކްނޮލޮޖީގެ ނަސީބުވެރި ފަރާތައް ހޮވިފައިވަނީ މުޙައްމަދު މައިސަން، ނޫވިލު ޅ.ކުރެންދޫ އެވެ.

މި ޕްރޮގްރާމަކީ ކުރިން ރާއްޖެޓީވީން ބާޒާރުމަތިން އެކްސްޓްރާގެ ނަމުގައި ކުރިޔަށް ގެންދިޔަ ޕްރޮގްރާމެއް ނަމަވެސް މިހާރު ހަވީރު ގަޑީގެ ނަމުގައި ކުރިއަށްގެންދާ މި ޕްރޮގްރާމަކީ އާންމުންގެ ބޮޑު ތަރުހީބެއް ލިބިފައިވާ ޕްރޮގްރާމެކެވެ.