ފިތުރު ޢީދުގެ މުނާސަބަތުގައި އުރީދޫ އަޗާ ޕްރީޕެއިޑް ކަސްޓަމަރުންނަށް އެންމެ 150 ރުފިޔާއަށް 21 ޖީބީ ޑޭޓާ މުޅި ހަފްތާއަށް ލިބޭ ޕްރޮމޯޝަނެއް އުރީދޫއިން ފަށައިފިއެވެ.

މިޕްރޮމޯޝަނުގައި ކްލަބް ކަސްޓަމަރުންނަށް ޚާއްސަ ޑިސްކައުންޓް އޮފަރ އެއް ލިބިގެންދާނެ ކަމަށްވެސް އުރީދޫއިން ބުނެއެވެ.

ޢީދުގެ އުފާވެރިކަން އާއިލާއާއި ރައްޓެހިންނަށް ޙިއްސާކޮށްލުމަށްޓަކައި ޚާއްސަ އޮފަރއެއް މިއަދު އެކުންފުނިން ތައާރަފްކޮށްފައިވާއިރު، މި އޮފަރގެ ދަށުން އީދު ޗުއްޓީ ތެރޭގައި ދުވާލަކު 1ޖީބީ ލިބޭ އާޗާ ޕްރިޕެއިޑް 150 ރުފިޔާ ޕެކް ގަތުމުން 7 ދުވަހަށް ބޯނަސް ޑޭޓާގެ ގޮތުގައި ދުވާލަކު 2ޖީބީ، މުޅިއަކު ދުވާލަކު 3ޖީބީގެ އިތުރުން އަންލިމިޓަޑް އުރީދޫ ކޯލްސް ލިބިގެންދާނެއެވެ. މި ޑޭޓާ ޕެކް އުރީދޫ އެޕް މެދުވެރިކޮށް އެކްޓިވޭޓް ކޮއްލެވޭނެ ކަމުގައިވެސް އުރީދޫއިން ބުނެއެވެ.

އާޗާ ޕްރިޕެއިޑް ބޯނަސް އޮފަރގެ އިތުރުން އުރީދޫ ކްލަބް ޕްރިމިއަރ ކަސްޓަމަރުންނަށްވެސް ވަނީ ޚާއްސަ އޮފަރ އެއް ތައާރަފްކޮށްފައެވެ. ކްލަބް ޕްރިމިއަރ ކަސްޓަމަރުންނަށް ޢީދު ބަންދު ތެރޭގައި އުރީދޫ ކްލަބް ޕްރިމިއަރ ޕާޓްނަރުންކަމުގައިވާ ޗޮކްލެޓް ރަޓަޓޫއީ އަދި ޗާކޯލް ކެފޭ އިން %10 ޑިސްކައުންޓް ލިބިގެންދާނެކަމަށް އުރީދޫއިން ބުނެއެވެ.