ބޮލޯނިއާ އަތުން މިލާނަށް މޮޅެއް ނުވެވުނު، އެއްވަނާގައި އޮތީ ޕޮއިންޓެއްގެ ފަރަގަކާއެކު

އިޓާލިއަން ލީގު ތާވަލްގެ އެއްވަނާގައި އޮތް އޭސީ މިލާނަސް ބޮލޯނިއާ އަތުން މޮޅުނުވެވި, ލީޑް ފުޅާކުރަން ލިބުނު ފުރުޞަތު ގެއްލިއްޖެއެވެ.

ލީގުގައި ބޮލޯނިއާ ކޮޅަށް ލަނޑެެއް ނުޖެހި, މެޗު ނިމުނީ އެއްވަރުވެގެންނެވެ. މެޗުން ލިބުނު ޕޮއިންޓާއެކު ބޮލޯނިއާ ވަނީ ތާވަލްގެ 12 ވަނައަށް ޖެހިލާފައެވެ. އޭސީމިލާން އެއްވަނާގައި މިހާރު އޮތީ ޕޮއިންޓެއްގެ ފަރަގަކާއެކުއެވެ. ލީޑް ތިން ޕޮއިންޓަށް ފުޅާކުރަން ލިބުނު ފުރުޞަތު މިވަގުތަށް ގެއްލުނީއެވެ. ދެވަނާގައި ނަޕޯލީ އޮތީ 66 ޕޮއިންޓާއެކުއެވެ. މިލާން އޮތީ 67 ޕޮއިންޓާއެކުއެވެ. އިންޓަރމިލާންވެސް އޮތީ އޭސީމިލާނަށް ޕެރްޝަރު ކުރެވޭ ހިސާބުގައެވެ. ދެޓީމްގެ ދެމެދުގައި އޮތީ 4 ޕޮއިންޓްގެ ފަރަގެކެވެ. އިންޓަރމިލާން އަތުގައި މެޗެއް އިތުރަށް އެބައޮތެވެ.

ބަދަލު ކުޅުންތެރިއެއްގެ ގޮތުގައި ނުކުމެ އިބްރަހޮމްވިޗަށްވެސް އަދި ޖިރޫއަށްވެސް މެޗުގައި ބޮލޯނިއާގެ ގޯލަށް ބޯޅަ ވައްދާލެވޭވަރެއް ނުވިއެވެ. ސެރީއޭގެ ވާދަވެރިކަން ތިން ޓީމްގެ މެދުގައި ވަނީ ބޮޑުވެފައެވެ.