އިސްރާއީލް އަތުން ޖަރމަނީ މޮޅުކޮށްދިނީ ޗެލްސީ ތަރިން!
27 މާރިޗު 2022 | އާދީއްތަ 03:00މެޗުން ޗެލްސީ މޮޅުވީ 2-0 ން
ޖަރމަނީ ކުޅުންތެރިން ލަނޑަށްފަހު އުފާ ފާޅުކުރަނީ
ބައިނަލްއަޤްވާމީ ރަހުމަތްތެރިކަމުގެ މެޗުގައި އިސްރާއީލް އަތުން ޖަރމަނީ މޮޅުވި މެޗުގައި ޗެލްސީގެ ދެތަރިން ވިދާލައިފިއެވެ. މެޗުން ޖަރމަނީ މޮޅުވީ 2-0 ނެވެ.
މެޗުގައި ޖަރމަނީގެ ދެ ލަނޑުވެސް ޖެހީ ޗެލްސީ ކުޅުންތެރިންނެވެ. ފުރަތަމަ ލަނޑު ޖެހީ ކައި ހާވާޓްޒްއެވެ. 36 ވަނަ މިނިޓްގައި ނެގި ކޯނަރު އޭނާ ގޯލަށް ފޮނުވާލީ ބޮލުންނެވެ. މިއީ މިސީޒަންގައި ކްލަބާއި ޤައުމީ ޓީމަށް އޭނާ ޖަހައިދިން 14 ވަނަ ގޯލެވެ. ފުރަތަމަ ހާފްގެ އިތުރު ވަގުތުގައި ދެވަނަ ލަނޑު ޖެހީ ވާނާއެވެ. ނަތީޖާގެ ފަރަޤު ބޮޑުކުރަން އެންމެ ރަނގަޅު ފުރުޞަތެއް ލިބުނޫ ތޯމަސް މުލާއަށެވެ. އެކަމަކު މެޗުގެ ފަހު މިނިޓްގައި ލިބުނު ޕެނަލްޓީ އޭނާއަށް ކާމިޔާބެއް ނުކުރެވުނެވެ. މެޗުގެ އިތުރު ވަގުތުގައި އިސްރާއީލަށް ލިބުނު ޕެނަލްޓީވެސް ކާމިޔާބެއް ނުކުރެވުނެވެ.
އިސްރާއީލް އަތުން ހޯދި މޮޅަކީ ވިދިވިދިގެން ޖަރމަނީން ހޯދި 8 ވަނަ މޮޅެވެ ޔޫރޫ ޗެމްޕިއަންޝިޕަށްފަހު ޖަރމަނީ އަދި ބައްޔެއް ނުވެއެވެ. ޖަރމަނީއަށް ކުރިއަށް އޮތީ އަންގާރަ ދުވަހުގެ ރޭ ނެދަލެންޑްސްއާއި ވާދަކުރާ މެޗެވެ.
