އައިޕީޔޫ ބައްދަލުވުމުގައި ރާއްޖެއިން ވޯޓުދިނީ ނިއުޒީލޭންޑްގެ ހުށަހެޅުމަށް
މަޖިލީހަށް ކުއްލި 3 ހުށަހެޅުން ހުށަހަޅާފައިވޭ
ރަޝިއާއިން ކިއެވްއަށް ބޮމުގެ ހަމަލާތައް ދީފައި
އިންޓަރ-ޕާލިމެންޓަރީ ޔޫނިއަން (އައިޕީޔޫ)ގެ ބައްދަލުވުމުގައި ރާއްޖެއިން ނިއުޒިލޭންޑްގެ ހުށަހެޅުމަށް ވޯޓު ދީފިއެވެ.
އައިޕިޔޫގެ 144 ވަނަ އާންމު މަޖިލީހަށް ކުއްލި ހުށަހެޅުމެއް ހުށަހަޅާފައިވާއިރު ތިން ކަމެއް ވަނީ ހުށަހަޅާފައެވެ.
އެގޮތުން ޔޫކްރެއިނާއި އިންޑޮނޭޝިއާ އަދި ނިއުޒިލޭންޑުން ވަނީ މި މަޖިލީހަށް ހުށަހެޅުންތައް ހުށަހަޅާފައެވެ. ނިއުޒިލޭންޑުގެ ހުށަހެޅުމަށް ތާއީދުކޮށް ޔޫކްރެއިނުން ވަނީ އެ ގައުމުން ހުށަހެޅި ހުށަހެޅުން އަނބުރާ ގެންގޮސްފައެވެ.
ނިއުޒިލޭންޑުންގެ ހުށަހެޅުން ހުށަހަޅާފައިވަނީ "ޕީސްފުލް ރިޒޮލިއުޝަން އޮފް ވޯރ އިން ޔޫކްރެއިން ރެސްޕެކްޓިންގ އިންޓަރނޭޝަނަލް ލޯ، ދަ ޗާޓަރ އޮފް ޔޫއެން އެންޑް ޓެރިޓޯރިއަލް އިންޓަގްރިޓީ" މި ނަމުގައެވެ. އަދި ރާއްޖެއިން ވަނީ މި ހުށަހެޅުމަށް ތާއީދުކޮށް މިހުށަހެޅުން އައިޕިޔޫގެ 144 ވަނަ އާންމު މަޖިލީހުގެ ބައްދަލުވުމުގައި ހިމެނުމަށް ވޯޓު ދީފައެވެ. އަދި އިންޑޮނޭޝިއާއިން ހުށަހެޅި ހުށަހެޅުމުގެ ވޯޓުގައި ބައިވެރިއެއް ނުވެއެވެ.
ނިއުޒިލޭންޑުން ހުށަހެޅި ހުށަހެޅުމުގައި ވަނީ, ޔޫކްރެއިން ރަޝިއާގެ ހަނގުރާމައާ ގުޅިގެން ހުރިހާ ގައުމުތަކެއްގެ މަޖިލީހުން އިންޓަރނޭޝަނަލް ލޯ، އދ.ގެ ޗާޓަރު އަދި ޓެރިޓޯރިއަލް އިންޓަގްރިޓީ މެދުވެރިކޮށް ސުލްހަވެރި އެއްބަސްވުމަކަށް ދިއުމަށް މަސައްކަތް ކުރުމެވެ. މި ހުށަހެޅުމުގައި ވަނީ އައިޕީޔޫގެ މެމްބަރު ގައުމުތަކުން ޕާލިމެންޓަރީ އެކްޝަން މެދުވެރިކޮށް ސުލްހައާއި އިންސާނީ ހައްގުތައް ކަށަވަރު ކުރުމަށް މަސައްކަތް ކުރުމަށް ގޮވާލާފައެވެ. އެހެންކަމުން ރާއްޖޭގެ މަޖިލީހުން ވޯޓު ދީފައި ވަނީ ގައުމުތަކުގެ ސަރަހައްދީ މިނިވަންކަމާއި އިސްތިގުލާލަށް އަދި އދ.ގެ ޗާޓަރާ އިންސާނީ ހައްގުތަކާ އެއްކޮޅަށެވެ.
އައިޕިޔޫގެ 144 ވަނަ އާންމު މަޖިލީހުގެ ބައްދަލުވުން ކުރިއަށްދަނީ އިންޑޮނޭޝިއާގެ ނޫސާ ޑުއާގައެވެ.
