އިމިގްރޭޝަނުން 45 ބިދޭސީއަކު ހޯދަން އިއުލާންކޮށްފި
21 މާރިޗު 2022 | ހޯމަ 08:59މި މީހުންނަކީ އިމިގްރޭޝަނުން ބަލަމުން އަންނަ ތަފަތު 45 މައްސަލައަކާއި ގުޅިގެން ހޯދަމުން އަންނަ މީހުން
އިމިގްރޭޝަނުން ހޯދަން އިއުލާންކުރި ބައެއް ބިދޭސީން
އިމިގްރޭޝަނުން 45 ބިދޭސީއަކު ހޯދަން އިއުލާން ކޮށްފިއެވެ.
އިމިގްރޭޝަނުން ކޮށްފައިވާ އިއުލާންގައި ބުނެފައިވަނީ، މި މީހުންނަކީ އިމިގްރޭޝަނުން ބަލަމުން އަންނަ ތަފަތު 45 މައްސަލައަކާއި ގުޅިގެން ހޯދަމުން އަންނަ 45 މީހެއް ކަމަށެވެ. އެހެންނަމަވެސް މައްސަލައިގެ ތަފްސީލް އަދި ހިއްސަ ކުރެވެން ނެތް ކަމަށް އިމިގްރޭޝަނުން ބުނެއެވެ. ފޮޓޯއާއެކު އާންމުކޮށް އިއުލަން ކޮށްފައިވާ ލިިސްޓްގައި ހިމެނެނީ 8 އަންހެނަކާއި 37 ފިރިހެނެކެވެ.
މި މީހުންގެ ތެރޭގައި ގިނައީ ބަންގްލަދޭޝް މީހުންނެވެ. އިންޑިޔާ، ތައިލެންޑް، ނައިޖީރިއާ، އިޓަލީ، އިނގިރޭސި ވިލާތް، ސްރީލަންކާ އާއި ފިލިޕިންސާއި އިތިއޯޕިއާގެ މީހުންވެސް ހިމެނެއެވެ.
އިމިގްރޭޝަނުން ބުނެފައިވަނީ، އެމީހުން ހަތް ދުވަހުގެ ތެރޭގައި އިމިގްރޭޝަންގެ އެކްސްޕެޓްރިއޭޓް މޮނިޓަރިން އެންޑް ރެޕަޓްރިއޭޝަން ޑިވިޝަނަށް ރަސްމީ ގަޑީގައި ހާޒިރުވުމަށެވެ.
