ފްރާންސް މީހަކާ ކޮތަރަކާ ދެމެދު ގާތް ރަހުމަތްތެރި ގުޅުމެއް

ފްރާންސްގައި ދިރިއުޅެމުންދާ ޒަވިއަރ ބަގެޓްގެ އެންމެ ގާތް ރަހުމަތްތެރިއަކީ ކޮތަރެކެވެ. 80 އަހަރުގެ ޒަވިއަރ ކޮންމެ ދުވަހަކު ވެސް މަސައްކަތަށް ދަނީ ވެސް ކޮތަރާއެކުއެވެ.

ބަލްޗަން ނަމަކަށް ކިޔާ މި އަންހެން ކޮތަރީ ޒަވިއަރގެ ދިރިއުޅުމުގެ ވަރަށް ބޮޑު ހިއްސާއެކެވެ. މުނިފޫހިފިލުވުމާއި، އަދިވެސް ކުރާ ހުރިހާ މަސައްކަތެއްގައި ބައިވެރިވާ ކަމަށް ޒަވިއަރ ބުންޏެވެ. އެގޮތުން ކޮންމެ ދުވަހަކު ބައިސްކަލުގައި މަސައްކަތަށް ދާއިރު، އޭނާއާއެކު ކޮތަރު ދާ ކަމަށާއި، ބަގީޗާއަށް ފެންދޭއިރު ބަލަން އިންނަ ވާހަކަތައް ހިއްސާކުރީ ވަރަށް އުފަލާއެކުއެވެ.

ކޮތަރާ ގާތް ރަހުމަތްތެރިކަމުގެ ގުޅުން އުފެދުނު ގޮތާ ގުޅޭގޮތުން ޒަވިއަރ ބުނީ, ގެއާ މާދުރު ނޫން ހިސާބަކުން ހިނގާފައި ދަނިކޮށް ފިޔަ ކޮށާލާފައިވާ ކޮތަރެއް ވެއްޓިފައި އޮތް ކަމަށާއި، އެކޮތަރު ޝިކާރަކުރުމަށް ބުޅާތައް އުޅުނު ކަަށެވެ. މަންޒަރު ބަލަން ހުރުމަށްފަހު ގެއަށް ދިޔަ ކަމަށާއި، އެވާހަކަ އަންހެނުންނާ ހިއްސާކުރުމުން އެކޮތަރު ބުޅަލުގެ ކިބައިން ސަލާމަތް ނުކުރާނަންތޯ ސުވާލު ކުރިކަމަށް އޭނާ ބުންޏެވެ. އަދި ވަރަށް ބޮޑަށް ވިސްނުމަށްފަހު އެތަނަށް ގޮސް ކޮތަރު ސަލާމަތް ކުރީ ކަމަށް ބުންޏެވެ.

އޭގެފަހުން ޒަވިއަރ އައީ ކޮތަރު ބަލަހައްޓަމުންނެވެ. ފިޔަފަޅައި، ބޮޑުވެފައިވާއިރު ފެންނަ ފެނުމަށް ކޮތަރު އޭނާއާއެކު ދިރިއުޅެމުންދަނީ އުފަލުންނެވެ.

މިއަދު ޒަވިއަރގެ އެންމެ ގާތް އެކުވެރިއަކީ އޭނާ ގެންގުޅެމުންދާ ކޮތަރެވެ. ކޮތަރާއެކު ހޭދަކުރަމުންދާ ކޮންމެ ދުވަހަކީ އުފާވެރި ދުވަހެއް ކަމަށް އޭނާ ބުނެއެވެ.