ފައިސާގެ ބޮޑެތި އިނާމުތަކަކާއެކު، މިފްކޯ ރޯދަ ޕްރޮމޯޝަން ފަށައިފި
ގުރުއަތުން ހޮވޭ ނަސީބުވެރި ފަރާތަކަށް އެއްލައްކަ ރުފިޔާ ދިނުމަށް ނިންމާފައިވޭ
މިފްކޯ ރޯދަ ޕްރޮމޯޝަން
އެހެން އަހަރުތަކެކޭ އެއްފަދައިން, ބޮޑެތި އިނާމްތަކަކާއެކު މިއަހަރުގެ މިފްކޯ ރޯދަ ޕްރޮމޯޝަން ފަށައިފިއެވެ.
އެގޮތުން މިފްކޯގެ މާލޭގެ ދެ ފިހާރަ، ހުޅުމާލެ، ފެލިވަރު، ކޫއްޑޫ އަދި އައްޑޫފިހާރައިގައި ހެނދުނު 10:00 ޖެހިއިރު ޕްރޮމޯޝަން ވަނީ ފަށާފައެވެ.
މި ޕްރޮމޯޝަން އިފްތިތާހުކޮށްދެއްވީ މިފްކޯގެ ސީއީއޯ އިސްމާއީލް ފައުޒީއެވެ. މި ހަފްލާގައި ކުންފުނީގެ އިސްވެރިން ބައިވެރިވެވަޑައިގެންނެވިއެވެ.
ރޯދަ ޕްރޮމޯޝަން އިފްތިތާހުކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަމުން ފައުޒީ ވިދާޅުވީ, ދުނިޔޭގެ މަސްރަހުގައި ތެލުގެ އަގާއި އުފެއްދުމުގެ އަގުތައް ބަދަލުވަމުންދާ ދަނޑިވަޅުގައި މިފްކޯގެ އުފެއްދުންތަކުގެ އަގުތަކަށް ބަދަލު އައުމަކީ އެކަށީގެންވާކަމެއް ކަމަށެވެ. ނަމަވެސް މިފްކޯއިން އަބަދުވެސް މަސައްކަތް ކުރަމުން ދަނީ ކަސްޓަމަރުންނަށް ލުއިފަސޭހަ ކޮށްދިނުމުގެ ގޮތުން އަގުތައް އެއް މިންގަޑެއްގައި ހިފެހެއްޓުމަށް ކަމަށް ވެސް ވިދާޅުވިއެވެ.
މި ޕްރޮމޯޝަންގައި 200 ރުފިޔާއިން މަތިން ކުރާ ކޮންމެ ވިޔަފާރިއަކަށް ކޫޕަނެއް ލިބެއެވެ. މި ކޫޕަންގައިވާ ކިއުއާރް ކޯޑް ސްކޭން ކުރުމުން ލިބޭ ލިންކުގައި ކޫޕަން ކޯޑް ޖަހާލުމުން ޕްރޮމޯޝަންގައި ބައިވެރިވެވޭނެއެވެ. މިގޮތުން ކޮންމެ ހަފްތާއަކު ނެގޭ ގުރުއަތުން, 5000 ރުފިޔާގެ ބީއެމްއެލް ގިފްޓް ވައުޗަރެއް ލިބޭނެއެވެ. އަދި މި ޕްރޮމޯޝަންގެ ބޮޑު އިނާމެއްގެ ގޮތުން, ޕްރޮމޯޝަންގައި ބައިވެރިވި ހުރިހާ ކަސްޓަމަރުންގެ މެދުގައި ނެގޭ ގުރުއަތުން ހޮވޭ ނަސީބުވެރި ފަރާތަކަށް އެއްލައްކަ ރުފިޔާ ދިނުމަށް ވަނީ ހަމަޖެހިފައެވެ.
