އަބޫދާބީއަށް ޑްރޯން ހަމަލާތަކެއް ދީފި
2 ޑްރޯންއެއް ބޭނުންކޮށްގެން ހަމަލާދީފައިވޭ
އަބޫދާބީއަށް ޑްރޯން ހަމަލަތާކެއް ދިނުން
އަބޫދާބިއަށް ޑްރޯން ހަމަލާތަކެއް ދީފިއެވެ.
ބައިނަލްއަގުވާމީ މީޑިއާތަކުން ޔޫއޭއީގެ ފުލުހުންނާއި ހަވާލާދީ ބުނެފައިވަނީ 2 ޑްރޯނެއް ބޭނުންކޮށްގެން ހަމަލާދީފައިވާ ކަމަށާއި، މި ހަމާލާގައި 3 ތެޔޮ ބައުޒަރެއް ގޮއްވާލާފައިވާ ކަމަށެވެ. ހޯމަ ދުވަހު އަބޫދާބީގެ ސިނާއީ ސަރަހައްދެއް ކަމަށްވާ މުސައްފަހު ސަރަހައްދަށް ދިން މި ހަމަލާގެ ޒިންމާ ޔަމަނާއި އިރާނުގެ ހަނގުރާމަވެރިން ގުޅިގެން އުފައްދާފައިވާ ހޫތީން ވަނީ ނަގާފައެވެ.
ހޫތީން ބުނެފައިވަނީ ޑްރޯން ހަމަލާގެ ޒިންމާ އެމީހުން ނަގާ ކަމަށެވެ. އަބޫދާބީގެ ފުލުހުން ބުނެފައިވަނީ ހަމަލާ އަމާޒުކުރި ސަރަހައްދަކީ ތެޔޮ ފާމެއްކަމުގައިވާ އޭޑީއެންއޯސީގެ ތެޔޮ ރައްކާ ކުރާ ގުދަނެއް ކައިރިއަށެވެ. މީގެ އިތުރުން އަބޫދާބީ އިންޓަރނޭޝަނަލް އެއަރޕޯޓް ސަރަހައްދުގައި ވެސް އަލިފާން ރޯވިކަމަށް ރިޕޯޓްތައް ބުނެއެވެ.
މިކަމާއި ގުޅިގެން ހިންގަމުންދާ ތަހުގީގަށް އެނގިފައިވާ ގޮތުގައި އެއްޗެއް ގޮވި ސަރަހައްދުން ޑްރޯންގެ ބައިތަކެއް ކަމަށް ބެލެވޭ ތަކެތި ފެނިފައިވެއެވެ. ނަމަވެސް ބޮޑު ގެއްލުމެއް ލިބިފައި ނުވާ ކަމަށާއި، އެކަމާއި ގުޅިގެން ތަހުގީގެއް ވަގުތުން ފަށާފައިވާ ކަމަށެވެ.
ހޫތީންގެ އަސްކަރީ ތަރުޖަމާނު ބުނެފައިވަނީ ޔޫއޭއީގައި އަސްކަރީ އޮޕަރޭޝަނެއް ފަށާފައިވާ ކަމަށާއި، އޭގެ ތަފްސީލު ފަހުން ހާމަކުރާނެ ކަމަށެވެ.
