ރަސްދޫއަށް ކުރިމަތިވެފައިވާ ކުނީގެ މައްސަލަ ހައްލުކުރުމަށް ޚާއްސަ އުސޫލުތަކަކަށް އަމަލު ކުރަން ފަށަނީ
މި އުސޫލަށް އަމަލު ކުރަން ފަށާނީ ޖެނުއަރީ 9ވާ އާދިއްތަ ދުވަހުން ފެށިގެން
އއ. ރަސްދޫ
އއ. ރަސްދޫއަށް ކުރިމަތިވަމުންދާ މައްސަލަ ހައްލުކުރުމަށް އެ ރަށު ކައުންސިލުން ޚާއްސަ އުސޫލުތަކެއް އެކުލަވާލައި އެއަށް އަމަލުކުރަން ފެށުމަށް ތައްޔާރު ވެއްޖެއެވެ.
ކުނީގެ މައްސަލަ ހައްލު ކުރުމަށްޓަކައި ރަސްދޫ ކައުންސިލުން އެކުލަވާލާފައިވާ އުސޫލުގައިވާ ގޮތުން ގޭގެއިން ނެރޭ ކުނި ހުންނަން ޖެހޭނީ ކައުންސިލުން އަންގާފައިވާ ގޮތަށް، ވަކިކުރެވިފައެވެ. އެގޮތުން ފަތްކުންޏާއި ކަރުދާސް އަދި ލަކުޑީގެ ބާވަތްތައް ވަކިކޮށްފައި ހުންނައިރު، ދަގަނޑުގެ ބާވަތްތައް ވަކީން އަދި ބިއްލޫރީގެ ބާވަތްތައްވެސް ވަކީން ހުންނަން ޖެހޭނެއެވެ. އަަދި ޕްލާސްޓިކުގެ ބާވަތްތަކާއި ބެޓެރީފަދަ ކެމިކަލް ބާވަތްތައްވެސް ވަކިކޮށްފައި ހުންނަން ޖެހޭނެއެވެ. މީގެ އިތުރުން ކާބޯތަކެތި އަޅާފައި ހުންނަ ދަޅާއި ފުޅި ފަދަ ތަކެތި ހުންނަން ޖެހޭނީ މެހި ނުޖައްސާނޭހެން ދޮވެފައެވެ.
ރަސްދޫ ކައުންސިލުން އެކުލަވާލި އުސޫލުގައި ވާގޮތުން، ކުނި ނެގުމާއި ނައްތާލުމާބެހޭ އުސޫލާއި ޚިލާފަށް ނެރެފައި ހުންނަ ކުނި ނުނަގާނެއެވެ. އަދި މި އުސޫލާ އެއްގޮތަށް އަމަލު ކުރަން ފަށާނީ ޖެނުއަރީ 9ވާ އާދިއްތަ ދުވަހުން ފެށިގެންނެވެ.
ރަސްދޫ ކައުންސިލުން ވަނީ ޒޯންތަކުގެ ކުނި ނަގާ ތާވަލަށް ބަދަލު ތަކެއް ގެނެސް، އެ ތާވަލު އާންމު ކޮށްފައެވެ
