އއ. އަތޮޅުގެ މީހުންދިރިއުޅޭ ހުރިހާ ރަށެއްގެ ރަށު ކައުންސިލްތަކުން އައިޑީ ކާޑު ހެދޭނެ އިންތިޒާމު ހަމަޖެއްސުމަށް ނިންމާފައިވާކަމަށް އެއަތޮޅު އަތޮޅުކައުންސިލުން ހާމަކޮށްފިއެވެ.
އެގޮތުން އއ. އަތޮޅު ކައުންސިލުން ވިދާޅުވީ، އައި.ޑީ ކާޑުގެ ޚިދުމަތަކީ އަތޮޅުގެ ރަށްރަށުގެ ކައުންސިލްތަކުން ރައްޔިތުންނަށް ފޯރުކޮށް ދެއްވަމުން ގެންދަވާ މުހިއްމު ޚިދުމަތެއް ކަމަށާއި ރަށު ކައުންސިލްތަކުގެ އިތުރުން، އަތޮޅު ކައުންސިލުން ވެސް އެ ޚިދުމަތް ގެންދިޔައީ ރައްޔިތުންނަށް ފޯރުކޮށް ދެމުންކަމަށެވެ.
އެހެންނަމަވެސް، އަތޮޅު ކައުންސިލުން ދެމުންގެންދިޔަ އައި.ޑީ ކާޑު ހެދުމުގެ ޚިދުމަތް، 10 ޖެނުއަރީ 2022 ވަނަދުވަހުން ފެށިގެން ދެއްވަމުން ގެންދަވާނީ ރަސްދޫ ކައުންސިލުން ކަމުގައި އަތޮޅު ކައުންސިލުން ވިދާޅުވިއެވެ.
ރަސްދޫ ކައުންސިލުން އައި.ޑީ ކާޑުގެ ޚިދުމަތް ދޭންފެށުމުން، އއ އަތޮޅުގެ މީހުން ދިރިއުޅޭ 8 ރަށުގެ ރަށު ކައުންސިލުން އައި.ޑީ ކާޑް ހަދާދިނުމުގެ ޚިދުމަތް ލިބޭނެ ކަމަށްވެސް އަތޮޅު ކައުންސިލުން މައުލޫމާތު ދެއްވައެވެ.
