ތޮއްޑޫގައި އައު އަހަރު ކުލަގަދަ ގޮތެއްގައި ފާހަގަ ކުރަނީ
މި ދެ މުނާސަބަތާ ގުޅުވައިގެން އާންމު ގެތަކާއި މަގުތަކާއި މަގުފާރުތައް ޒީނަތްތެރި ކުރުމަށް ތޮއްޑޫ ކައުންސިލުން ވަނީ އެދިފައި
އއ. ތޮއްޑޫ
މި ފެށޭ 2022 ވަނަ އަހަރަށް މަރުހަބާ ކިޔުމުގެ ގޮތުން، އއ. ތޮއްޑޫގައި އައު އަހަރު ކުލަގަދަކޮށް ފާހަގަ ކުރަން ނިންމައިފިއެވެ.
ތޮއްޑޫ ކައުންސިލުން ހާމަކޮށްފައިވާ ގޮތުގައި އައު އަހަރުގެ އިތުރުން ބޮޑުއީދުވެސް ކުލަގަދަ ގޮތެއްގައި ފާހަގަ ކުރުމަށް ވަނީ ނިންމާފައެވެ. އެގޮތުން މި ދެ މުނާސަބަތުގައި ރަށުގެ އެކި ސަރަޙައްދުތަކުގައި ބޮކިދިއްލައި ޒީނަތްތެރި ކުރުން ހިމެނޭއިރު، ހަވާ އެރުވުންވެސް ހިމެނޭ ކަމަށް ތޮއްޑޫ ކައުންސިލުން ހާމަކުރެއެވެ. މިއީ ތޮއްޑޫގެ ތަރައްޤީގެ ޕްލޭނުގައި ހިމަނާފައިވާ ކަންތައް ކަމަށާއި މި ދުވަސްތައް ކޮންމެ އަހަރެއްގައިވެސް ފާހަގަ ކުރާނެ ކަމަށްވެސް ކައުންސިލުން ވަނީ ހާމަކޮށްފައެވެ.
މީގެ އިތުރުން މި ދެ މުނާސަބަތާއި ގުޅުވައިގެން އާންމު ގެތަކާއި މަގުތަކާއި މަގުފާރުތައް ޒީނަތްތެރި ކުރުމަށް ތޮއްޑޫ ކައުންސިލުން ވަނީ އެދިފައެވެ. އަދި ކައުންސިލްގެ ފަރާތުން ފާހަގަކުރާ މުނާސަބަތުތަކުގައި ރައްޔިތުން ދެއްވާ އެއްބާރުލުމަށް ކައުންސިލުން ވަނީ ޝުކުރު އަދާކޮށްފައެވެ.
